ٴوز حابارىمىز. مەملەكەت ٴتوراعاسى شي جينپيڭ 12-ايدىڭ 5-كۇنى بەيجيڭدە «2021 سۇڭدۋ حالىقارالىق تالقىسىنىڭ» اشىلۋ سالتىنا بەينە ەكران فورماسىندا ارناۋ ٴسوز سويلەدى. 

    شي جينپيڭ مىنالاردى باسا دارىپتەدى: بۇگىنگى دۇنيەدە ادامزات سيرەك كەزدەسەتىن قات-قابات داعدارىستى باستان كەشىرۋدە. تولاسسىز جارىققا شىققان الەمدىك ماسەلەلەر مەن سىن-سايىستار الدىندا، ٴبىز اشىق، سيىسىمدى بولۋعا، ماسەلەنى كەڭەسىپ، سەلبەسۋگە تاباندى بولىپ، كوپ جاقتىلىقتا بەرىك تۇرىپ جانە ونى قورعاپ، ادامزاتتىڭ تاعدىرلاس ورتاق تۇلعاسىن قۇرۋدى بەلسەنە ىلگەرىلەتۋىمىز كەرەك. 

    _ ٴبىز تار جول، تايعاق كەشۋلەردەن بىرگە ٴوتىپ، ناعىز كوپ جاقتىلىقتى امالياتتا ايگىلەۋىمىز كەرەك. كوپ جاقتىلىقتىڭ باستى ماقساتى _ حالىقاراداعى ىستەردى كوپشىلىك بىرگە اقىلداسىپ ٴبىر جاقتى ەتەدى، دۇنيە ٴجۇزىنىڭ بولاشاعى مەن تاعدىرىن ٴار ەل بىرگە مەڭگەرەدى. بىرلەسكەن مەملەكەتتەر ۇيىمىن ۇيتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ٴتارتىپتى، بىرلەسكەن مەملەكەتتەر ۇيىمى ۋستاۆىنىڭ نەگىزگى ماقساتى مەن پرينسيبىن نەگىز ەتكەن حالىقارالىق قاتىناستىڭ نەگىزگى ولشەمىن باتىل قورعاپ، بەيبىتشىلىك، دامۋ، ادىلدىك، ادىلەتتىلىك، دەموكراتيا، ەركىندىك سىندى بۇكىل ادامزاتتىڭ ورتاق قۇنىن ساۋلەلەندىرۋىمىز كەرەك. 

    _ ٴبىز داۋىرمەن بىرگە العا باسىپ، عالامدىق جونگە سالۋ جۇيەسىن ۇزدىكسىز كەمەلدەندىرۋىمىز كەرەك. دۇنيە ٴجۇزى جاعدايىنىڭ وزگەرىسىن تياناق ەتىپ، كەڭ كولەمدە كەڭەسۋ، ورتاق تانىم ۇيىستىرۋ نەگىزىندە الەمدىك جونگە سالۋ جۇيەسىنە رەفورما جاساۋ جانە ونى كەمەلدەندىرۋ كەرەك. حالىقارالىق قاتىناستىڭ دەموكراتيالاندىرۋ جالپى بەتالىسىنا تاباندى بولىپ، دامۋ ۇستىندەگى ەلدەردىڭ حالىقارالىق ىستەردەگى ۋاكىلدىك سيپاتى مەن پىكىر ايتۋ ۇقىعىن جوعارىلاتىپ، الەمدىك جونگە سالۋ جۇيەسىنىڭ اناعۇرلىم ٴادىل، ۇيلەسىمدى باعىتقا قاراي دامۋىن قۇلشىنا ىلگەرىلەتۋىمىز كەرەك. 

    _ ٴبىز نازاردى ارەكەتكە شوعىرلاندىرىپ، الەمدىك سەلبەستىك كۇن ٴتارتىبىن ويداعىداي تياناقتاندىرۋىمىز كەرەك. مەن الەمدىك دامۋ دارىپتەمەسىن دارىپتەپ، الەمدىك دامۋدىڭ تاعدىرلاس ورتاق تۇلعاسىن قالىپتاستىرۋدى العا قويدىم، تاراپتاردىڭ بەلسەنە ات سالىسۋىن ٴۇمىت ەتەمىن. دامۋدى الدىڭعى ورىنعا قويۋعا تاباندى بولىپ، كەدەيلىكتەن قۇتىلدىرۋ، ىندەتكە قارسى تۇرۋ، ۆاكسينا، دامۋعا قارجى توپتاۋ، جاسىل دامۋعا قاراي تيپتە بۇرىلىس جاساۋ، جالپى جۇزدىك بايلانىس ورناتۋ سياقتى سالالارداعى سەلبەستىكتى ىلگەرىلەتىپ، دۇنيە ٴجۇزى دامۋىنىڭ تەپە-تەڭ، سايكەستى، سيىسىمدى جاڭا كەزەڭگە قادام تاستاۋىن ىلگەرىلەتۋىمىز كەرەك. 

    شي جينپيڭ مىنالاردى باسا دارىپتەدى: جۇڭگو كوممۋنيستىك پارتياسىنىڭ 100 جىلدىق كۇرەسىنىڭ ماڭىزدى تاريحي تاجىريبەسى _الەمدى كوكەيدە ساقتاپ، ادامزاتتىڭ بولاشاعى مەن تاعدىرىنا باستان-اياق نازار اۋدارۋ. جۇڭگونىڭ كوپ جاقتىلىقتى قولداۋ بەكىمى وزگەرمەيدى، كوپ جاقتىلىقتىڭ وزەكتى قۇنى مەن نەگىزگى پرينسيبىن باتىل قورعاپ، ٴوزارا پايدا جەتكىزىپ، تەڭ يگىلىككە كەنەلۋگە، ورتاقتىققا ۇمتىلۋعا، ادىلدىك پەن ادىلەتتىلىككە، سەلبەسىپ دامۋعا تاباندى بولىپ، ادامزات وركەنيەتىنىڭ العا باسۋىنا اقىل-پاراساتى مەن كۇش-قۋاتىن ارنايدى.


     اۋدارعان: شالقار قازەز ۇلى