ٴوز حابارىمىز. باس شۋجي شي جينپيڭ تاياۋدا ٴدىن قىزمەتى جونىندەگى مەملەكەتتىك ماجىلىستە ماڭىزدى ٴسوز سويلەپ، ٴدىن قىزمەتىنىڭ ناتيجەلەرىن، تاجىريبەلەرىن جان-جاقتى قورىتىندىلاپ، ٴدىن قىزمەتى ٴدوپ كەلگەن جاعداي مەن مىندەتتەرگە ىشكەرىلەي تالداۋ جاساپ، جاڭا داۋىردەگى ٴدىن قىزمەتىنىڭ جاڭا يدەياسىن، جاڭا تانىمىن، جاڭا ستراتەگياسىن جۇيەلى بايىمداپ، ەلىمىزدىڭ ٴدىندى جۇڭگوشالاندىرۋ بەتالىسىنا تاباندى بولۋدىڭ، جاڭا داۋىردەگى ٴدىن قىزمەتىن جاقسى ىستەۋدىڭ جەتەكشى يدەياسىن، ستراتەگيالىق نىساناسىن، ٴتۇيىندى مىندەتتەرىن جانە ساياساتتىق شارالارىن ايقىندادى. 

    ٴدىن سالاسىنداعى قالىڭ قايراتكەرلەر جانە كادرلار مەن بۇقارا بىلاي دەستى: باس شۋجيدىڭ ماڭىزدى ٴسوزى جاڭا داۋىردەگى ٴدىن قىزمەتىن جاقسى ىستەۋگە ايقىن العا باسۋ بەتالىسىن كورسەتىپ، ٴتۇبىرلى ولشەم ازىرلەدى. ٴدىندى جۇڭگوشالاندىرۋ باعىتىنا تاباندى بولىپ، ٴدىندى سوتسياليستىك قوعامعا سايكەستىرۋگە بەلسەنە جەتەكتەپ، ٴدىن قىزمەتىندە ۇزدىكسىز جاڭا جاعداي اشۋىمىز كەرەك. 

    باس شۋجي شي جينپيڭ سوزىندە 9 تۇيىنگە ٴسوزسىز تاباندى بولۋدى وزەك ەتە وتىرىپ، جاڭا داۋىردە ٴدىندى قالاي تانۋ، ٴدىن ماسەلەسىن قالاي شەشۋ، پارتيانىڭ ٴدىن قىزمەتىن قالاي جاقسى ىستەۋ سياقتى كەلەلى نازاريالىق جانە امالياتتىق ماسەلەلەرگە جاۋاپ بەرىپ، جاڭا داۋىردەگى پارتيانىڭ ٴدىن قىزمەتىن جاقسى ىستەۋگە ماڭىزدى باعدار كورسەتتى. 

    جۇڭگو ٴىسلام ٴدىنى قوعامىنىڭ باستىعى ياڭ ميڭ بىلاي دەدى: بۇل رەتكى ٴماجىلىس جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى جانە پارتيا 19-كەزەكتى ورتالىق كوميتەتى التىنشى جالپى ٴماجىلىسىنىڭ جابىلۋى سياقتى ماڭىزدى تاريحي ساتتە اشىلىپ وتىر، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ٴدىن قىزمەتىنە وسكەلەڭ ٴمان بەرگەندىگىن جانە ٴدىن سالاسىنداعى قالىڭ قايراتكەرلەرگە شىنايى قامقورلىق جاساعاندىعىن تولىق تۇسىندىرەدى. 

    جۇڭگو بۇددا ٴدىنى قوعامىنىڭ باستىعى يان جۋە بىلاي دەدى: باس شۋجيدىڭ ماڭىزدى ٴسوزى _ ماركستىك ٴدىن كوزقاراسى مەن ەلىمىزدىڭ ناقتى امالياتىن ۇشتاستىرۋدىڭ ەڭ جاڭا جەتىستىگى، جۇڭگوشا سوتسياليستىك ٴدىن نازارياسىنىڭ ەڭ جاڭا دامۋى. 

    شاڭحاي قالالىق ۇلت جانە ٴدىن ىستەرى مەكەمەسىنىڭ باستىعى حۋا بەي بىلاي دەدى: «9 تۇيىنگە ٴسوزسىز تاباندى بولۋ»، سونداي-اق جۇڭگوشالاندىرۋدى ىشكەرىلەي ىلگەرىلەتۋ جانە زاڭمەن جونگە سالۋدى ىلگەرىلەتۋ تالابى بويىنشا، وتاندى ٴسۇيۋ، ٴدىندى ٴسۇيۋ سىندى ەكى جاۋاپكەرشىلىك تاربيەسىن ٴامالياتتا ايگىلەۋ قيمىلىن بەكەمدەپ، ٴدىن سالاسىنداعىلاردى ٴداۋىردىڭ العا باسۋ تالابىنا ۇيلەسەتىن، سوتسياليستىك وزەكتى قۇن كوزقاراسىنىڭ تالابىنا ۇيلەسەتىن ٴدىن ۋاعىزدارىن تۇسىندىرۋگە شابىتتاندىرۋ جانە قولداۋ كەرەك. 

    باس شۋجي شي جينپيڭ: ٴدىن سالاسىنداعىلاردى ٴوزىن-ٴوزى تاربيەلەۋدى، ٴوزىن-ٴوزى باسقارۋدى، ٴوزىن-ٴوزى تەجەۋدى كۇشەيتۋگە قولداۋ كورسەتىپ جانە جەتەكتەپ، ٴدىن ىستەرىن جاپپاي قاتاڭ جونگە سالىپ، باستاماشىلدىقپەن زاڭعا، ەرەجەگە بويسۇنىپ، ٴدىني قابىلەتتى جوعارىلاتۋدى اتاپ كورسەتتى ٴارى ٴدىني ۇيىمداردىڭ وزىندىك قۇرىلىسىن كۇشەيتۋ سياقتى جاقتاردا ايقىن تالاپتار قويدى. 

    جۇڭگو داۋجياۋ ٴدىنى قوعامىنىڭ باستىعى لي گۋاڭفۋ بىلاي دەدى: داۋجياۋ ٴدىنىن جۇڭگوشا سوتسياليزمنىڭ جاڭا ٴداۋىرىنە سايكەستىرۋگە تاباندى بولۋ _جاڭا داۋىردەگى داۋجياۋ ٴدىنىنىڭ اقاۋسىز جالعاسۋىنىڭ ىشكى تالابى، ٴوزىن-ٴوزى تاربيەلەۋدى، ٴوزىن-ٴوزى باسقارۋدى، ٴوزىن-ٴوزى تەجەۋدى كۇشەيتىپ، ٴدىنني ىستەردى جاپپاي قاتاڭ جونگە سالىپ، باستاماشىلدىقپەن زاڭعا، ەرەجەگە بويسۇنىپ، ٴدىني قابىلەتتى جوعارىلاتۋ _ _ جاڭا داۋىردەگى داۋجياۋ ٴدىنىنىڭ اقاۋسىز جالعاسۋىنىڭ تەتىگى. 

    جۇڭگو كاتوليك ٴدىنى، وتانشىلدىق قوعامىنىڭ ٴتوراعاسى فاڭ شيڭياۋ بىلاي دەدى: ٴبىز سوتسياليستىك وزەكتى قۇن كوزقاراسىن بەلسەنە امالياتتا ايگىلەپ، ٴدىن ۋاعىزدارىن جۇڭحۋانىڭ تاڭداۋلى ٴداستۇرلى مادەنيەتىمەن ۇشتاستىرۋعا قۇلشىنىپ، پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ بەرىك سەنىمىن ۇزدىكسىز كۇشەيتۋىمىز كەرەك.
پارتيانىڭ ٴدىن قىزمەتىنىڭ ٴمانى − بۇقارالىق قىزمەت. باس شۋجي شي جينپيڭ بىلاي دەپ اتاپ كورسەتتى: دىنگە سەنەتىن بۇقارانىڭ ٴدىني سەنىم ەركىندىگى ۇقىعىن قورعاپ، دىنگە سەنەتىن بۇقارانى مۇمكىندىكتىڭ بارىنشا ىنتىماقتاستىرۋ ٴارى دىنگە سەنەتىن بۇقاراعا قاتىستى قىزمەتتەردى سابىرلىلىقپەن، ەگجەي-تەگجەيلى ىستەۋ كەرەك. 

    كوپشىلىك بىلاي دەستى: پارتيانىڭ ٴدىني سەنىم ەركىندىگى ساياساتىن تولىق، دۇرىس، جاپپاي دايەكتىلەندىرىپ، ٴدىن ىستەرىن زاڭ بويىنشا باسقارۋ كەرەك. 

    جۇڭگو حريستيان ٴدىنى وتانشىلدىق قوزعالىس كوميتەتىنىڭ ٴتوراعاسى شۇي شياۋحۇڭ بىلاي دەدى: باس شۋجي: دىنگە سەنەتىن قالىڭ بۇقارانى پارتيا مەن ۇكىمەتتىڭ توڭىرەگىنە ىنتىماقتاستىرۋعا تاباندى بولۋ كەرەك، پارتيانىڭ ٴدىن قىزمەتىنىڭ ٴمانى بۇقارالىق قىزمەت دەپ باس دارىپتەدى. بۇل سوزدەر- ٴدىن سالاسىنا دەگەن ۇلكەن شابىتتاندىرۋ دەپ تۇسىنەمىن، وسىدان بۇرىن دا: ٴدىن سالاسى ەكونوميكالىق، قوعامدىق دامۋىمىزدىڭ بەلسەندى كۇشى -دەپ اتاپ ايتىلعان بولاتىن. 

    شينجياڭ ۇيعۇر اۆتونوميالى رايوندىق ۇلتتىق ىستەرى كوميتەتى ٴدىن ىستەرى مەكەمەسى ٴدىن ىستەرى 1-باسقارماسىنىڭ 2-دارەجەلى تەكسەرىپ-زەرتتەۋشىسى ٴانۋار قايرانباي بىلاي دەدى: ماركستىك ٴدىن كوزقاراسىن، پارتيانىڭ ٴدىن قىزمەتى نازارياسى مەن باعىت-ساياساتتارىن، ٴدىن بىلىمدەرىن ىشكەرىلەي ۇيرەنىپ، جەتەكشىلىك ەتۋ قابىلەتىن ۇزدىكسىز جوعارىلاتىپ، پارتيانىڭ ٴدىن قىزمەتىنىڭ نەگىزگى باعىتىن تولىق، دۇرىس، جاپپاي دايەكتىلەندىرۋگە شىنايى كەپىلدىك ەتۋىمىز كەرەك.

اۋدارعان: شالقار قازەز ۇلى