شي جينپيڭ قۇتتىقتاۋ حاتىندا مىنالاردى انىق ايتتى: ادامدىق ۇقىق-ادامزات وركەنيەتىنىڭ العا باسۋ بەلگىسى. ادامنىڭ ٴومىرىن، قۇنىن جانە ار-نامىسىن قورعاۋ، بارلىق ادامنىڭ ادامدىق ۇقىقتان يگىلىكتەنۋىن جۇزەگە اسىرۋ-ادامزات قوعامىنىڭ ورتاق تالپىنىسى. حالىقتى بارىنەن جوعارى قويۋعا تاباندى بولۋ، حالىقتىڭ تاماشا ومىرگە دەگەن تالپىنىسىن كۇرەس نىسانا ەتۋ-ٴداۋىر دۇنيە جۇزىندەگى ٴار ەلگە جۇكتەگەن جاۋاپكەرشىلىك بولىپ تابىلادى.

    شي جينپيڭ مىنالاردى باسا دارىپتەدى: جۇڭگو كوممۋنيستىك پارتياسى قاشاندا ادامدىق ۇقىققا قۇرمەت ەتەتىن جانە ونى قامتاماسىز ەتەتىن ساياسي پارتيا بولىپ كەلەدى. جۇڭگو حالىقتى وزەك ەتۋگە تاباندى بولىپ، حالىقتىڭ مۇددەسىن ماڭداي الدى ورىنعا قويىپ، دامۋ ارقىلى ادامدىق ۇقىقتى جەبەپ، تۇتاس بارىستا حالىق دەموكراتياسىن ىلگەرىلەتىپ، ادامنىڭ ەركىن، جان ـ جاقتى دامۋىن جەبەپ، ٴداۋىر اعىمىنا ۇيلەسەتىن ادامدىق ۇقىقتى دامىتۋ جولىمەن ٴساتتى ٴجۇرىپ، جۇڭگونىڭ ادامدىق ۇقىق ىستەرىندە كورنەكتى تابىستارعا قول جەتكىزۋدى ىلگەرىلەتىپ، ٴبىر ميلليارد 400 ميلليوننان استام جۇڭگو حالقىنىڭ ادامدىق ۇقىقتى قامتاماسىزداندىرۋ جاعىنداعى تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. ادامدىق ۇقىق امالياتى الۋان ٴتۇرلى بولادى. دۇنيە جۇزىندەگى ٴار ەل حالقى ٴوز ەلىنىڭ مەملەكەت جاعدايىنا ۇيلەسەتىن ادامدىق ۇقىقتى دامىتۋ جولىن ٴوزى تاڭداۋ ٴتيىس ٴارى تاڭداي الادى. جۇڭگو دامۋ جولىنداعى ەلدەرمەن بىرگە بۇكىل ادامزاتتىق ورتاق قۇندى ساۋلەلەندىرىپ، ناعىز كوپ جاقتىلىقتى امالياتتا ايگىلەپ، حالىقارالىق ادامدىق ۇقىق ىستەرىنىڭ اقاۋسىز دامۋىن جەبەۋگە اقىل ـ پاراسات جانە كۇش ـ قۋات قوسۋدى قالايدى.

    وڭتۇستىكتەر ارا 2021-جىلعى ادامدىق ۇقىق تالقىسى 12-ايدىڭ 8- كۇنى بەيجيڭدە اشىلدى، نەگىزگى تاقىرىبى: «حالىقتى بارىنەن جوعارى قويۋ جانە جەر شارىندىق ادامدىق ۇقىق ىستەرىن باسقارۋ»، تالقىنى مەملەكەتتىك كەڭەستىڭ اقپارات كەڭسەسى مەن سىرتقى ىستەر مينيسترلىگى بىرلىكتە وتكىزدى.

اۋدارعان: قاناتبەك جۇماباي ۇلى