ٴوز حابارىمىز. تايلاند جۇقپالى اۋرۋ جاعدايىن باسقارۋ ورتالىعىنىڭ 7-ايدىڭ 18-كۇنى جاريالاعان ساناعىندا كورسەتىلۋىنشە، تايلاندتتا سول كۇنى 11 مىڭ 397 ناۋقاس جاڭادان قوسىلعان ، ٴۇرتىس 3 كۇن ناۋقاستار ارتا تۇسىپ جيىنى 403 مىڭ 386 ادامنىڭ دياگنوزى تۇراقتانعان. تايلاند ۇكىمەتى سول كۇنى جەرگىلىكتى ۋاقىت 7-ايدىڭ 20-كۇنىنەن باستاپ «باسقارۋ-مەڭگەرۋ رايونىن قاتاڭ باسقارۋ» كولەمىن تاعى دا 3 اكىمشىلىك رايونعا كەڭەيتەتىندىگىن، كەڭەيتىلگەننەن كەيىنگى كولەمى بانگوك پەن 12 اكىمشىلىك رايوندى قامتيتىندىعىن جاريالادى. باسقارۋ، تىزگىندەۋ شارالارى: تۇرعىندار قاجەت بولماسا ۇيدەن شىقپاۋ؛ ٴار كۇنى ساعات 21 دەن كەلەسى كۇنى ساعات 4 كە دەيىن تۇنگى ٴجۇرىس-تۇرىسقا تيىم سالۋ قاتارلىلاردى قامتيدى.