ٴوز حابارىمىز. ٴادىل باسەكە ساياساتىنىڭ اتقارىلۋىن ىشكەرىلەي ىلگەرىلەتۋ−سوتسياليستىك بازار شارۋاشىلىعى ٴتۇزىلىسىن كەمەلدەندىرۋدىڭ ىشكى تالابى. ٴادىل باسەكەنى جەبەۋ جاعىندا باجى تاراۋلارى قانداي رول اتقاردى؟ قايتكەندە باجىنى، اقىنى زور كولەمدە ازايتۋدىڭ كۇشكە يە بولۋىنا كەپىلدىك ەتۋگە بولادى؟ باجىنى باقىلاۋ-باسقارۋ جۇيەسىن قايتكەندە ۇزدىكسىز كەمەلدەندىرىپ، باجى جاسىرۋ ارەكەتىنە سوققى بەرۋگە بولادى؟ مەملەكەتتىك باجى باس مەكەمەسىنىڭ باستىعى ۋاڭ جۇن بىرنەشە كۇننىڭ الدىندا ورتالىق راديو تەلەۆزياباس ستانسياسى تىلشىسىنىڭ ارناۋلى سۇحباتىن قابىلدادى. 

    سوڭعى جىلداردان بەرى باجى تاراۋلارى باجى ٴتۇزىمى رەفورماسى مەن باجى تۇزىمى جانە اقى جاعىندا ٴتيىمدى ساياسات بەلگىلەۋگە بەلسەنە ات سالىسىپ، اتامالى باجى مولشەرىن، اقى مولشەرىن ۇزدىكسىز تومەندەتىپ، باجىنى زور كولەمدە ازايتىپ، اقىنى تومەندەتۋدىڭ كۇشكە يە بولۋىنا كەپىلدىك ەتىپ، ٴتۇرلى بازار تۇلعالارىنىڭ، اسىرەسە، ورتاشا، شاعىن كاسىپورىنداردىڭ دامۋىن بەلسەنە قولدادى. ۋاڭ جۇن بىلاي دەدى: كوپ باجى ءٴتۇرى رەفورماسى اتامالى باجى شاماسىن شىنايى تومەندەتتى، تاعى ءبىر جاعىنان، باجىنى زور كولەمدە ازايتۋ، اقىنى تومەندەتۋ ماكرولىق باجى اۋىرتپالىعىن كورنەكتى جەڭىلدەتتى. 

    ٴادىل باقىلاۋ-باسقارۋ ارقىلى ٴادىل باسەكەنى جەبەدى، باجى تاراۋلارى سوڭعى جىلداردان بەرى باجىنى باقىلاۋ-باسقارۋ جۇيەسىن ۇزدىكسىز كەمەلدەندىرىپ، باجىدان قاشۋعا سوققى بەرۋ تەبىنىن ۇزدىكسىز ارتتىردى. ۋاڭ جۇن بىلاي دەدى: باجى ىستەرىن باقىلاپ-باسقارۋ توتەنشە كۇردەلى، عىلمي باقىلاپ-باسقارۋ مىندەتى ءتىپتى دە اۋىر، ال باقىلاپ-باسقارۋدى كۇشەيتۋدىڭ باستى ماقساتى ــ ءٴادىل باسەكەنى جەبەۋ. 

    قىزمەت وتەۋدى ساپالاندىرۋ−زاڭمەن باسقارۋ، ٴادىل تيجارات-ساۋدا ورتاسىنىڭ ماڭىزدى قۇرامداس بولىگى، ۋاڭ جۇن: كەلەسى قادامدا باجى تاراۋلارى باجى-اقى قىزمەت وتەۋ دەڭگەيىن ۇزدىكسىز جوعارىلاتادى-دەدى.


اۋدارعان: سەرىك راقىم ۇلى