لي جانشۋ اۆستريا حالىقتىق پارلامەنتىنىڭ باستىعى سوبوتكامەن كەڭەستى
ٴوز حابارىمىز. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 12-ايدىڭ 7-كۇنى بەيجيڭدەگى حالىق سارايىندا بەينە ەكران تاسىلىمەن اۆستريا حالىقتىق پارلامەنتىنىڭ باستىعى سوبوتكامەن كەڭەس وتكىزدى.
لي جانشۋ بىلاي دەدى: ٴتوراعا شي جينپيڭ مەن پرەزيدەنت ۆان دەر بەللەن بيىل 5-ايدا جۇڭگو مەن اۆستريانىڭ ديپلوماتيالىق قاتىناس ورناتقاندىعىنىڭ 50 جىلدىعى جونىندە ٴوزارا قۇتتىقتاۋ تەلەگرامماسىن جولدادى. ەكى ەل باسشىلارى جۇڭگو ـ اۆستريا قاتىناسىنىڭ دامۋىنا ايرىقشا ٴمان بەرىپ، ەكى ەلدىڭ دوستىق ستراتەگيالىق سەرىكتەستىك قاتىناسىنىڭ ۇزدىكسىز تىڭ ساتىعا كوتەرىلۋىنە جەتەكشىلىك ەتتى جانە جەبەدى. جۇڭگو مەن اۆستريا ٴوزارا قۇرمەت ەتۋگە، ٴبىر-بىرىنە سەنىم ارتۋعا، ٴوزارا پايدا جەتكىزىپ، تەڭ يگىلىككە كەنەلۋگە تاباندى بولىپ، ساياسي، ەكونوميكا ـ ساۋدا، مادەنيەت، عىلىم ـ تەحنيكا سياقتى سالالارداعى سەلبەستىكتە سۇبەلى تابىستارعا قول جەتكىزدى. جۇڭگو اۆستريامەن اۋىس ـ كۇيىستى جانە سەلبەستىكتى بارىنشا قويۋلاتىپ، ەكى ەل قاتىناسىنىڭ ورنىقتى دامۋىن ىلگەرىلەتۋدى قالايدى.
سوبوتكا بىلاي دەدى: بيىل اۆستريا مەن جۇڭگونىڭ ديپلوماتيالىق قاتىناس ورناتقاندىعىنىڭ 50 جىلدىعى. جۇڭگو اۆستريانىڭ ماڭىزدى سەلبەستىك سەرىگى، ەكى ەلدىڭ دوستىق قاتىناسىن ۇزدىكسىز تەرەڭدەتۋ كەلەلى مانگە يە. اۆستريا جۇڭگومەن سەلبەستىكتى كۇشەيتىپ، جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنە بىرلىكتە قارسى تۇرۋدى قالايدى. اۆستريانىڭ حالىقتىق پارلامەنتى جۇڭگونىڭ مەملەكەتتىك حالىق قۇرىلتايىمەن اۋىس ـ كۇيىستى كۇشەيتىپ، ەكى ەلدىڭ ساۋدا، قارجى قوسۋ، قورشاعان ورتانى قورعاۋ، دەنە تاربيە سياقتى سالالارداعى سەلبەستىگىن تەرەڭدەتۋگە، حالىقتىڭ دوستىعىن كۇشەيتۋگە ۇلەس قوسۋدى قالايدى.
اۋدارعان: امانتاي مۇسايىپ ۇلى