جۇڭگو دەموكراتيالىق مەملەكەت قۇرۋ قوعامى 11 ـ كەزەكتى ورتالىق كوميتەتىنىڭ بەسىنشى جالپى ٴماجىلىسى بەيجيڭدە اشىلدى
ٴوز حابارىمىز. جۇڭگو دەموكراتيالىق مەملەكەت قۇرۋ قوعامىنىڭ 11 ـ كەزەكتى ورتالىق كوميتەتىنىڭ بەسىنشى جالپى ٴماجىلىسى 12-ايدىڭ 8-كۇنى بەينە ەكران ٴماجىلىس فورماسىندا بەيجيڭدە اشىلدى. جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ٴتوراعاسى حاۋ ميڭجين جۇڭگو دەموكراتيالىق مەملەكەت قۇرۋ قوعامى 11 ـ كەزەكتى ورتالىق كوميتەتىنىڭ تۇراقتى كوميتەتى اتىنان قىزمەت بايانداما جاسادى. جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ۇنەمىلىك ىستەرگە جاۋاپتى ورىنباسار ٴتوراعاسى گۋ شىڭزۋ ٴماجىلىستىڭ اشىلۋ سالتىن باسقاردى. ٴماجىلىستىڭ باستى مازمۇنى ج ك پ 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ىشكەرىلەي ۇيرەنۋ، دايەكتىلەندىرۋ، جۇڭگو دەموكراتيالىق مەملەكەت قۇرۋ قوعامى 11 ـ كەزەكتى ورتالىق كوميتەتى تۇراقتى كوميتەتىنىڭ قىزمەت بايانداماسىن جانە ورتالىق باقىلاۋ كوميتەتىنىڭ قىزمەت بايانداماسىن تىڭداۋ جانە قاراۋ، جۇڭگو دەموكراتيالىق مەملەكەت قۇرۋ قوعامىنىڭ ىشكى باقىلاۋ قىزمەت ەرەجەسى سياقتىلاردى قاراپ ماقۇلداۋ.
ماجىلىستە مىنالار العا قويىلدى: جۇڭگو دەموكراتيالىق مەملەكەت قۇرۋ قوعامى شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ساياسي وتكىزىپ الۋدى ىشكەرلەتىپ، كەزەك اۋىستىرۋدىڭ تولىق تابىستى بولۋىنا كەپىلدىك ەتۋ؛ وزىندىك قۇرىلىس جەتىستىكتەرىن بەكەمدەپ، بورىش پەن جاۋاپكەرشىلىكتى كۇشەيتىپ، ساياسي پارتياعا قاتىناسۋ فۋنكتسياسىن اناعۇرلىم ويداعىداي اتقارىپ، ج ك پ 20 ـ قۇرىلتايىنىڭ جانە جۇڭگو دەموكراتيالىق مەملەكەت قۇرۋ قوعامى 12 ـ قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.
اۋدارعان: كۇلان ىرىسباي قىزى
