ۋاقىتپەن جارىسا ىرىقتىلىقتى يگەرىپ، جۇقپالى اۋرۋدان ساقتانۋ جانە ونى تىزگىندەۋ ناقتى، ەگجەي-تەگجەيلى يگەرىلدى
ٴوز حابارىمىز. مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى 5-ايدىڭ 13-كۇنى اقپارات جاريالاۋ ٴماجىلىسىن اشىپ، ۋاقىتپەن جارىسا ىرىقتىلىقتى مەڭگەرىپ، جۇقپالى اۋرۋدان ساقتانۋ جانە ونى تىزگىندەۋدى يگەرۋگە قاتىستى جاعدايلاردى تانىستىردى. مەملەكەتتىك دەنساۋلىق ساقتاۋ، سالاماتتىق كوميتەتىنىڭ قاتىستى جاۋاپتىسى بىلاي دەدى: تاياۋدا بۇكىل ەل بويىنشا جۇقپالى اۋرۋ جالپى تۇلعالىق جاقتان تومەندەۋ جاعدايى ۇزدىكسىز جارىققا شىقتى، الايدا كەيبىر جەرلەردە جەرلىك ناۋقاستاردىڭ تارالۋ تىزبەگى ٴالى تولىق ۇزىلمەدى؛ باقىلاۋ، ساقتاندىرۋ سەزگىرلىگىن جوعارىلاتىپ، جۇعىمدالۋ تىزبەگىن دەر كەزىندە ٴۇزۋ كەرەك.
تاياۋدا بۇكىل ەل بويىنشا جۇقپالى اۋرۋ جاعدايى جالپى تۇلعالىق جاقتان ۇزدىكسىز تومەندەدى. مەملەكەتتىك دەنساۋلىق ساقتاۋ، سالاماتتىق كوميتەتى اۋرۋدى تىزگىندەۋ مەكەمەسىنىڭ ورىنباسار باستىعى، 1-دارەجەلى شارلاۋشى لەي جىڭلۇڭ بىلاي دەپ اتاپ كورسەتتى: «يكەمدى اداقتاۋ» باس باعىتىنا بۇلجىماي تاباندى بولىپ، جەر-جەردىڭ كەزەكتەگى شوعىرلى جۇقپالى اۋرۋدى جەدەل ٴبىر جاقتى ەتۋىنە جەتەكشىلىك ەتىپ، جۇقپالى اۋرۋدىڭ تارالۋىن تەز ارادا ٴۇزۋ كەرەك.
لەي جىڭلۇڭ بىلاي دەدى: شاڭحاي قالاسىندا جۇقپالى اۋرۋ جاعدايى تۇلعالىق جاقتان وڭالىپ، بۇكىل قالادا جاڭادان قوسىلعان جۇعىمدالۋشىلاردىڭ سانى ورنىقتى تومەندەۋ اۋقىمى جارىققا شىقتى. جيلين ولكەسىنىڭ ىندەت جاعدايى سوڭعى كەزەڭدە تۇر. بەيجيڭ قالاسىندا نەشە كۇننەن بەرى جاڭادان جۇعىمدالعانداردىڭ سانى ازايدى، بۇل ساقتانۋ، تىزگىندەۋ شارالارىنىڭ باعىتتامالىلىق پەن ونىمدىلىككە يە ەكەندىگىن كورسەتتى، الايدا باسقارۋ-مەڭگەرۋ رايونىنان تىسقارى وڭىردە جۇعىمدالۋشىلار ٴالى دە بار، الەۋمەتتىك اۋماقتا جۇعىمدالۋ حاۋىپ-قاتەرى تولىق ارىلمادى.
مەملەكەتتىك دەنساۋلىق ساقتاۋ، سالاماتتىق كوميتەتى ەمدەۋ-دەنساۋلىق ساقتاۋ ىستەرىن باسقارۋ مەكەمەسىنىڭ باقىلاۋ-تەكسەرۋ ارنايى قىزمەتكەرى گو يانحۇڭ بىلاي دەپ تانىستىردى: قازىر بۇكىل ەل بويىنشا 13 مىڭ ەمدەۋ-دەنساۋلىق ساقتاۋ قۇرىلىمى نۋكلەين قىشقىلىن تەكسەرە الادى، ٴار كۇنگى نۋكلەين قىشقىلىن تەكسەرۋ قابىلەتى كۇنىنە 57 ميلليون تۇتىكشەگە جەتەدى. ەلىمىزدەگى ٴىرى قالالاردا 15 مينۋتتا-اق بارۋعا بولاتىن «نۋكلەين قىشقىلىن تەكسەرتۋ شەڭبەرى» نەگىزىنەن قۇرىلدى، بۇل بۇقارانىڭ نۋكلەين قىشقىلىن جاقىن ماڭدا تەكسەرتۋىنە، جۇعىمدالۋشىنى ەرتە بايقاۋعا، تەكسەرۋ، ساقتاندىرۋ سەزگىرلىگىن جوعارىلاتۋعا ٴتيىمدى.
اۋدارعان: گۇلنۇر قابىلقاق قىزى