بەكىتۋدە مىنالار انىق ايتىلدى: تاسقىننان ساقتانىپ، قۋاڭشىلىققا قارسى تۇرۋ ەكونوميكالىق، قوعامدىق دامۋعا جانە حاۋىپسىزدىك، ورنىقتىلىق جالپى جاعدايىنا سايادى. جەر ـ جەرلەر، تاراۋلار شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن مۇقيات دايەكتى تياناقتاندىرىپ، حالىقتى بارىنەن جوعارى قويۋعا، ٴومىردى بارىنەن جوعارى قويۋعا تاباندى بولىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاۋ تالابى بويىنشا، ساقتانۋدى نەگىز ەتۋگە، الدىن الۋ مەن قارسى تۇرۋدى، قۇتقارۋدى ۇشتاستىرۋعا تاباندى بولۋ؛ كۇن ىلگەرى قامدانىپ، تاسقىن اپاتىنان ساقتانۋدى، اۋىر قۋاڭشىلىق اپاتىنا قارسى تۇرۋدى، اۋىر حاۋىپ - قاتەرگە توتەپ بەرۋدى، اۋىر اپاتتان قۇتقارۋدى تياناق ەتىپ، حاۋىپ - قاتەر كومەسكى قاتەرىن تەكسەرۋ، وزگەرتۋ، تۇزەتۋدى ىشكەرىلەي ورىستەتۋ؛ شۇعىل جاعدايعا توتەپ بەرۋ جوباسىن ناقتىلاندىرۋ، كەمەلدەندىرۋ؛ باقىلاۋ، ساقتاندىرۋ، قۇرىلىستى ورنالاستىرۋ، قاتەردەن اراشالاۋ، قۇتقارۋ، اپاتتان قۇتقارۋ، كومەك بەرۋ سياقتى ساقتانۋ -قۇتقارۋ، سايكەستىرۋ مەحانيزمىن ونان ارى اقاۋسىزداندىرۋ ؛ شۇعىل قۇتقارۋ قوسىنى جانە جابدىق، زاتتىق ماتەريالدارمەن كەپىلدەندىرۋدى كۇشەيتۋ؛ تاسقىننان ساقتانۋ، قۋاڭشىلىققا قارسى تۇرۋ قۋاتى جاعىنداعى ولقىلىقتاردى جەدەل تولىقتاۋ كەرەك. جەرلىك ٴار دارەجەلى ۇكىمەتتەر تۇلعالىق جاۋاپكەرشىلىكتى قاتاڭ تياناقتاندىرۋ؛ مەملەكەتتىك تاسقىننان ساقتانۋ باس قولباسشىلىق شتابى باستاماشىلىقپەن جالپى جاقتان يگەرۋ رولىن ويداعىداي ساۋلەلەندىرۋ؛ ٴبىر تۇتاس سايكەستىرۋدى كۇشەيتۋ؛ قاتىستى تاراۋلار ٴوز جاۋاپكەرشىلىگىن ادا ەتۋ؛ كاسىپتىك ابزالدىلىقتى ساۋلەلەندىرۋ؛ ٴار جاق بىرىككەن كۇش قالىپتاستىرۋ ارقىلى اۋىر تاسقىن، قۋاڭشىلىق، تايفىڭ داۋىلى سياقتى اپاتتاردان ٴونىمدى ساقتانىپ، حالىق بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن بار كۇشپەن قامتاماسىزداندىرۋ كەرەك.

اۋدارعان: قاناتبەك جۇماباي ۇلى