ورتالىق راديو-تەلەۆيزيا باس ستانسياسى مەن لاتىن امەريكا وڭىرىندەگى اقپارات قۇرالدارى «جۇڭگو ـ لاتىن امەريكا اقپارات قۇرالدارى ارەكەت» دارىپتەمەسىن بىرلىكتە جاريالادى
ٴوز حابارىمىز. جۇڭگو ـ لاتىن امەريكا ورتاق تۇلعاسى تالقىسىنىڭ 3 ـ كەزەكتى مينيسترلەر ٴماجىلىسى اشىلۋ قارساڭىندا، ورتالىق راديو ـ تەلەۆيزيا باس ستانسياسى (CGTN) باس بولىپ، لاتىن امەريكا وڭىرىندەگى 30 نەشە نەگىزگى اقپارات قۇرالىمەن بىرلەسىپ، 12-ايدىڭ 2-كۇنى «جۇڭگو ـ لاتىن امەريكا اقپارات قۇرالدارى ارەكەتى» دارىپتەمەسىن بىرلىكتە جاريالادى. دارىپتەمەگە ساي، جۇڭگو ـ لاتىن امەريكا اقپارات قۇرالدارى بۇلت تالقى تەكشەسى، سەلبەسىپ فيلم تۇسىرۋ، كينو-تەلەۆيزيا كورمەسى، جاستاردىڭ سۇحبات باعدارلاماسىن جاساۋ، الەۋمەتتىك يگىلىك قىسقا فيلمدەرىن قويۋ قاتارلى فورمالارمەن اقپارات قۇرالدارى اراسىنداعى سەلبەستىكتى جالپى بەتتىك ىشكەرلەتۋدى، كۇش-قۋاتتى ۇيىستىرۋدى، ورتاق تانىمدى كۇشەيتۋدى ىلگەرىلەتەدى.
ورتالىق ۇگىت ٴبولىمىنىڭ ورىنباسار باستىعى، ورتالىق راديو-تەلەۆيزيا باس ستانسياسىنىڭ باستىعى، باس رەداكتور شىن حايشيۇڭ بەينە ەكران سوزىندە بىلاي دەدى: باس ستانسيا لاتىن امەريكاداعى اقپارات قۇرالدارىمەن بىرگە دامىپ، كەڭ كولەمدە بارىس-كەلىس جاسايدى؛ ٴادىل، وبيەكتيۆ اقپارات قۇن تانىمىنان جازباي، اۋىس-كۇيىس، سەلبەستىك ارناسىن كەڭەيتىپ، جۇڭگو ـ لاتىن امەريكا قاتىناسىنىڭ ونان ارى دامۋىنا كۇش ۇستەيدى.
ورتالىق راديو ـ تەلەۆيزيا باس ستانسياسى يسپان ٴتىلى ارناسى 12-ايدىڭ 2-كۇنى كەشتە «جۇڭگو-لاتىن امەريكا اقپارات قۇرالدارى ارەكەتى» ارناۋلى باعدارلاماسىن ورتاعا قويدى.
اۋدارعان: كۇلان ىرىسباي قىزى