ٴوز حابارىمىز. شيزاڭنىڭ بەيبىت جولمەن ازات بولعاندىعىنىڭ 70 جىلدىعىن قۇتتىقتاۋ قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ شيزاڭعا بارىپ، شيزاڭنىڭ بەيبىت جولمەن ازات بولعاندىعىنىڭ 70 جىلدىعىن قۇتتىقتاپ، شيزاڭداعى ٴار ۇلت كادرلارى مەن بۇقاراسىنا امانداسىپ، ولاردان حال سۇراپ، ٴار ۇلت كادرلارى مەن بۇقاراسىنا پارتيا ورتالىق كوميتەتىنىڭ قامقورلىعىن جەتكىزدى. شي جينپيڭ ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى رەتىندە شيزاڭعا بارىپ شيزاڭنىڭ بەيبىت جولمەن ازات بولعاندىعىن ارنايى قۇتتىقتاۋى پارتيا مەن مەملەكەت تاريحىندا تۇڭعىش رەت بولىپ، پارتيا ورتالىق كوميتەتىنىڭ شيزاڭ قىزمەتىن قولدايتىندىعىن، شيزاڭداعى ٴار ۇلت كادرلارى مەن بۇقاراسىنا دەگەن قامقورلىعىن تولىق ايگىلەدى.

    شي جينپيڭ بىلاي دەپ اتاپ كورسەتتى: شيزاڭ بەيبىت جولمەن ازات بولعان 70 جىلدان بەرى، پارتيا ورتالىق كوميتەتىنىڭ پارمەندى باسشىلىعىندا جانە بۇكىل ەل حالقىنىڭ زور كۇشپەن قولداۋىندا، شيزاڭداعى ٴار ۇلت كادرلارى مەن بۇقاراسى قاجىرلىلىقپەن كۇرەس جۇرگىزىپ، قايسارلانا قۇلشىنىپ، قوعامدىق تۇزىمدە تاريحي سەكىرىس بولدى، ەكونوميكا مەن قوعام جاپپاي دامىدى، حالىق تۇرمىسى بارىنشا جاقساردى، قالا مەن اۋىلدىڭ بەت-بەينەسىندە بۇرىن سوڭدى بولماعان كورنەكتى جاڭالىقتار بولدى. ٴاماليات: جۇڭگو كوممۋنيستىك پارتياسى بولماسا، جاڭا جۇڭگو دا، جاڭا شيزاڭ دا بولمايتىندىعىن، پارتيا ورتالىق كوميتەتىنىڭ شيزاڭ قىزمەتى جونىندەگى باعىت-ساياساتتارىنىڭ بۇكىلدەي دۇرىس ەكەندىگىن دالەلدەدى.

    شي جينپيڭ مىنالاردى باسا دارىپتەدى: جاڭا داۋىردەگى پارتيانىڭ شيزاڭدى جونگە سالۋ جالپى جوباسىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، جاڭا دامۋ جاعدايىنا قىزمەت ەتىپ جانە ونى توعىستىرىپ، جوعارى ساپالى دامۋدى ىلگەرىلەتىپ، شەكارا رايون قۇرىلىسىن كۇشەيتىپ، ورنىقتىلىق، دامۋ، ەكولوگيا، شەكارانى كۇشەيتۋ سىندى 4 ٴىرى ٴىستى ويداعىداي يگەرىپ، چيڭحاي-شيزاڭ ٴۇستىرتىنىڭ ەكولوگياسىن قورعاۋ جانە باياندى دامۋدى ىلگەرىلەتۋ جاعىندا ۇزدىكسىز تىڭ تابىستارعا قول جەتكىزىپ، قارلى ۇستىرتتىڭ باياندى تىنىشتىعى مەن جوعارى ساپالى دامۋىنىڭ تىڭ داستانىن قۇلشىنا جازۋ كەرەك.

    7-ايدىڭ 21-كۇنىنەن 23-كۇنىنە دەيىن، شي جينپيڭ شيزاڭ اۆتونوميالى رايوندىق پارتكومنىڭ شۋجيى ۋ يىڭجيە، اۆتونوميالى رايوندىق ۇكىمەتتىڭ ٴتوراعاسى چي زالانىڭ سەرىك بولۋىندا ىلگەرىندى ـ كەيىندى لين جى، لاسا سياقتى جەرلەرگە بارىپ، اۋىل-قىستاق، قالا باقشاسى، تەمىر جول تورابى، ٴدىني ورىندار، مادەنيەت كوشەسى سياقتى ورىنداردى ارالاپ، ٴار ۇلت كادرلارى مەن بۇقاراسىنا امانداستى جانە ولاردان حال سۇرادى.

    7-ايدىڭ 21-كۇنى تۇستەن بۇرىن ساعات 11 مولشەرىندە شي جينپيڭ ايروپلانمەن لينجى ميلين اۋەجايىنا باردى. شيزاڭداعى ٴار ۇلت كادرلارى مەن بۇقاراسى گۇل شوقتارىن كوتەرىپ، ٴان ايتىپ، ٴبي بيلەپ، باس شۋجي شي جينپيڭنىڭ كەلگەنىن قىزۋ قارسى الدى ٴارى باس شۋجيگە حادا، چەما، ارپا شارابىن ۇسىنىپ، باس شۋجيگە دەگەن شىنايى تىلەگىن ٴبىلدىردى.

    شي جينپيڭ اۆتوكولىكپەن نيياڭ وزەنى كوپىرىنە كەلدى، ول سۋ تولقىنى جوڭكىلىپ، جاسىل جەلەك جامىلعان ياني سازدىعىنا كوز تاستاپ، يالۋزاڭبۋ وزەنى مەن نيياڭ وزەنى الابىنىڭ ەكولوگيالىق ورتاسىن قورعاۋ جانە جاراتىلىستىق قورىق قۇرىلىسى قاتارلى جاعدايلاردى تىڭدادى. شي جينپيڭ مىنالاردى باسا دارىپتەدى: ەكولوگيانى قورعاۋدى ماڭداي الدى ورىنعا قويۋعا تاباندى بولىپ، تاۋ، سۋ، ورمان، اتىز، كول، جايىلىم، قۇم، مۇزدىقتاردى ٴبىر تۇلعالاندىرىپ قورعاۋعا جانە جۇيەلى جونگە سالۋعا تاباندى بولىپ، ماڭىزدى وزەن اعارلارىنىڭ ەكولوگيالىق ورتاسىن قورعاۋدى جانە قالپىنا كەلتىرۋدى كۇشەيتىپ، سۋ بايلىعىن ۇيلەسىمدى اشىپ پايدالانۋدى جانە قورعاۋدى ٴبىر تۇتاس جوسپارلاپ، شوپتەردى، اعاشتاردى، تاۋ، وزەندەردى ويداعىداي قورعاۋ كەرەك.

    سول كۇنى تۇستەن كەيىن شي جينپيڭ لينجى قالالىق قالا جوباسى سارايىنا كەلىپ، لين جىنىڭ قالا قۇرىلىسى بارىسىن جانە دامۋ جوباسىن ۇعىستى. شي جينپيڭ بىلاي دەدى: ۇستىرتتە جاساپ جاتقان ٴار ۇلت بۇقاراسى ۇزاق ۋاقىتتان بەرى ۇلى تابيعاتقا سۇيەنىپ، ٴۇستىرت ورتاسىمەن جاراسىمدى، تاتۋ ـ ٴتاتتى تۇرمىس ٴتاسىلىن قالىپتاستىردى، وڭىرلىك ەرەكشەلىكتى كورنەكتىلەندىرىپ، ادام مەن تابيعاتتىڭ جاراسىمدى قاتار ٴومىر ٴسۇرۋ، باياندى دامۋ ۇستانىمىن جانداندىرۋعا جەتەكشىلىك ەتىپ، بايلىق ورتاسىنىڭ كوتەرىمدىلىك قۋاتىن قاتاڭ تەجەپ، قالانى اشۋ شەكاراسى مەن ەكولوگيانى قورعاۋدىڭ قىزىل سىزىعىن عىلمي بەلگىلەپ، قالا جان سانى كولەمىن ۇيلەسىمدى ساقتاپ، نەگىزدىك قۇرىلعىلاردى عىلمي، سايكەستى جوبالاپ قۇرىپ، ورمان ورتىنەن ساقتانۋ قۇرىلعى قۇرىلىسىن كۇشەيتىپ، قالانىڭ وسىزاماندانۋ دەڭگەيىن جوعارىلاتۋ كەرەك.

    لينجى قالاسى بايي رايونى لينجى قالاشىعىنىڭ گارا قىستاعى كوكتەمدە جايقالا اشىلاتىن جابايى شاپتول گۇلى ارقىلى اتاعى شىققان قىستاق. شي جينپيڭ وسى اراعا كەلىپ، گارا قىستاعىنىڭ پارتيا قۇرىلىسىنىڭ جەتەكشىلىك رولىن ساۋلەلەندىرۋ، بۇقارانى كىرىستى ارتتىرىپ، اۋقاتتانۋعا باستاۋ، نەگىزگى ساتىنى جونگە سالۋ دەڭگەيىن جوعارىلاتۋ سياقتى تانىستىرۋلاردى تىڭداپ، قىستاقتىڭ حالىققا قولايلى قىزمەت كورسەتۋ ورتالىعى، جاسىل بانكە ايىرباس دۇكەنى، شيپاحانا سياقتى ورىندارعا بارىپ، قاتىستى جاعدايلاردى ەگجەي-تەگجەيلى ۇعىستى. قىستاق تۇرعىنى داۋاجيانسان باس شۋجيدى ىستىق ىقىلاسپەن قارسى الدى. شي جينپيڭ جاتىن بولمە، اس ٴۇي، ساقتاۋ بولمەسى، تازالىق بولمەسى سياقتىلاردى زەر سالا كوردى ٴارى داۋاجيانسان وتباسىنداعىلارمەن بىرگە قوناق بولمەسىندە اڭگىمە دۇكەنىن قۇردى. داۋاجيانسان باس شۋجيگە سوڭعى جىلدارى وزدەرىنىڭ تاسىمالعا، شاپتول گۇلى وندىرىسىنە، جەردى اينالىمعا سالۋعا جانە ەگىمشىلىك پەن باعىمشىلىققا سۇيەنىپ، اۋقاتتانعاندىعىن؛ بىلتىر وتباسىنىڭ كىرىسى 300 مىڭ يۋاننان اسقاندىعىن ايتتى. شي جينپيڭ مۇنى ەستىپ قاباعات قۋاندى. ول مىنالاردى اتاپ كورسەتتى: گارا قىستاعىنىڭ تاماشا تۇرمىسى شيزاڭنىڭ بەيبىت جولمەن ازات بولعان 70 جىلدان بەرگى ەكونوميكالىق، قوعامدىق دامۋ جەتىستىكتەرىنىڭ ىقشام كورىنىسى، بۇل ارا ۇلتتار ىنتىماعى العاباسارلىعىنىڭ گۇل بايشەشەگى قۇلپىرعان جەر. اۋىلداستاردىڭ جاقسى تۇرمىسى پارتيا مەن مەملەكەتتىڭ جاقسى ساياساتىنىڭ ارقاسى، سونداي ـ اق سىزدەر ەڭبەكشىل قوس قولدارىڭىزبەن وسى باقىتتى تۇرمىستى جاراتتىڭىزدار. پارتيا ورتالىق كوميتەتىنىڭ شيزاڭنىڭ دامۋىن قولداۋ ساياساتىن ويداعىداي تياناقتاندىرىپ، اۋىل ـ قىستاقتىڭ گۇلدەنۋىن جاپپاي ىلگەرىلەتۋ كەرەك. قىستاق تۇرعىندارى جولدىڭ جانىنا جينالىپ، قولدارىنا اپپاق حادالارىن الىپ، الاقايلاپ، باس شۋجيمەن امانداسىپ، باس شۋجيگە قۇرمەت ٴبىلدىردى. شي جينپيڭ كوپشىلىكتىڭ باقىتتى، الاڭسىز تىرشىلىك ەتۋىنە تىلەكتەستىك ٴبىلدىردى.

    گارا قىستاعىنان اتتانعاننان كەيىن، شي جينپيڭ لينجى جاڭا كونە قالا رايونىنىڭ شەكارالاسقان جەرىندەگى گۇڭبۋ باقشاسىنا بارىپ، باقشانىڭ جاسىلدانۋى مەن نەگىزدىك قۇرىلعىلارىن كوزدەن كەشىردى. شي جينپيڭ مىنالاردى باسا دارىپتەدى: قالانىڭ وزەگى _ _ ادام، قالا قىزمەتىنىڭ جاقسى ىستەلگەن ـ ىستەلمەگەندىگى، بۇقارانىڭ رازى بولعان-بولماعاندىعى، تۇرمىسقا قولايلى بولعان ـ بولماعاندىعى ماڭىزدى باعالاۋ ولشەمى. ادامدى نەگىز ەتۋگە تاباندى بولىپ، قالا فۋنكتسياسىن ۇزدىكسىز كەمەلدەندىرىپ، بۇقارانىڭ تۇرمىس ساپاسىن جوعارىلاتۋ كەرەك. شي جينپيڭ باقشا الاڭىندا ٴبي بيلەپ جۇرگەن جەرگىلىكتى بۇقارا مەن ساياحاتشىلارعا ىزگى تىلەك ٴبىلدىرىپ، ٴار ۇلت بۇقاراسىنىڭ تۇرمىسىنىڭ بارعان سايىن جاقسارۋىن تىلەدى.

    بيىل 6 ـ ايدىڭ 25 ـ كۇنى شيزاڭداعى تۇڭعىش ەلەكترلەنگەن تەمىر جول لاسا-لينجى تەمىر جولى ىسكە قوسىلدى. 7-ايدىڭ 22-كۇنى تۇستەن بۇرىن شي جينپيڭ سىچۋان ـ شيزاڭ تەمىر جولىنىڭ ماڭىزدى ورتالىق بەكەتى لينجى پويەز بەكەتىنە بارىپ، سىچۋان ـ شيزاڭ تەمىر جولىنىڭ جالپى تۇلعالىق جوباسىن جانە لاسادان لينجىعا باراتىن جول بولىگىنىڭ قۇرىلىس جۇرگىزۋ جاعدايىن ۇعىسىپ، يا ـ اننان لينجىعا باراتىن جول بولىگىنىڭ قۇرىلىسىن ىلگەرىلەتۋ جاعدايى جونىندەگى مالىمەتتى تىڭداپ، ارناۋلى پويەزگە وتىرىپ، لاسا-لينجى تەمىر جولىنىڭ بويىنداعى قۇرىلىس جاعدايىن كوزدەن كەشىرىپ، قاتىستى ماسەلەلەردى ىشكەرىلەي اقىلداستى. شي جينپيڭ سىچۋان ـ شيزاڭ تەمىر جولى قۇرىلىسىنا ايرىقشا ٴمان بەرىپ، ورتالىق كوميتەت ساياسي بيۋروسى تۇراقتى كوميتەتىنىڭ ٴماجىلىسىن باسقارىپ اشىپ، سىچۋان-شيزاڭ تەمىر جولى قۇرىلىسىن جاپپاي ىلگەرىلەتۋ جونىندە اقىلداسىپ، ورنالاستىرۋ جاساپ، قىزمەتتى ىلگەرىلەتۋ جونىندە تالاي رەت ماڭىزدى نۇسقاۋ بەرگەن. ول بىلاي دەپ اتاپ كورسەتتى: سىچۋان-شيزاڭ تەمىر جولىن جوبالاۋ، سالۋ شيزاڭنىڭ دامۋى مەن حالىق تۇرمىسىن جاقسارتۋدى جەبەۋدەگى ماڭىزدى شارا، ياان-لينجى جول بولەگىنىڭ جەر بەدەرى گەولوگيالىق جانە كليمات شارت ـ جاعدايى اناعۇرلىم كۇردەلى، سالۋ قيىندىعى زور، دۇنيەدە سيرەك كەزدەسەدى، عىلىم ـ تەحنيكادا جاڭالىق اشۋدىڭ شەشۋشى رولىن ساۋلەلەندىرىپ، قيىنشىلىقتان تايسالماي، باتىلدىقپەن الدا ٴجۇرىپ، عىلمي قۇرىلىس جۇرگىزۋگە، حاۋىپسىز قۇرىلىس جۇرگىزۋگە، جاسىل قۇرىلىس جۇرگىزۋگە تاباندى بولىپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ اياق الىسىنداعى بەلگى سيپاتتى ينجەنەريانى ويداعىداي قۇرۋ كەرەك. باتىس بولىك شەكارا تەمىر جول تورابى قۇرىلىسىن ٴبىر تۇتاس جوسپارلاپ، تولىق دالەلدەپ، عىلمي جوبالاپ، شەكارا وڭىرلەردىڭ جوعارى ساپالى دامۋى مەن قالىڭ حالىق بۇقاراسىنىڭ جوعارى ساپالى تۇرمىسىنا اناعۇرلىم ويداعىداي قىزمەت ەتۋ كەرەك.

    سول كۇنى تۇستەن كەيىن شي جينپيڭ لاسانىڭ باتىس ىرگەسىندەگى جىبىڭسى بۇتحاناسىنا كەلدى. بۇتحانا باسقارۋ كوميتەتىنىڭ جاۋاپتىسى باس شۋجيگە حادا تارتۋ ەتتى، موناحتار جۇپار مەش قويىپ، قول شاتىر ۇستاپ، باس شۋجي باسپالداقپەن ۇلكەن سارايعا كىردى. شي جينپيڭ شيزاڭنىڭ ءدىن قىزمەتى جاعدايى جانە جىبىڭسى بۇتحاناسىنىڭ بۇتحانا باسقارۋدى كۇشەيتۋ جاعدايى جونىندەگى تانىستىرۋىن تىڭدادى ءارى سوچين ۇلكەن سارايىن كوزدەن كەشىرىپ، شىبىڭسى بۇتحاناسىنىڭ جۇڭگو كوممۋنيستىك پارتياسىنىڭ باسشىلىعىن، سوتسياليستىك ٴتۇزىمدى قورعاۋ، وتاننىڭ تۇتاستىعىن قورعاۋ جاقتارىندا قوسقان بەلسەندى ۇلەسىن تولىق تۇراقتاندىردى. شي جينپيڭ ۇلكەن سارايدان شىققاندا، موناحتار قولدارىنا حادا الىپ باس شۋجيدى اتتاندىردى. شي جينپيڭ مىنالاردى باسا دارىپتەدى: پارتيانىڭ ٴدىن قىزمەتى جونىندەگى نەگىزگى باعىتىن جاپپاي دايەكتىلەندىرىپ، بۇقارانىڭ ٴدىني سەنىمىنە قۇرمەت ەتىپ، دەربەس، ٴوز ـ وزىنە قوجايىن بولۋ، ٴوزىن ـ ٴوزى باسقارۋ پرينسيبىنە تاباندى بولىپ، ٴدىن ىستەرىن زاڭ بويىنشا باسقارىپ، زاڭزۋلار اراسىندا تارالعان بۇددا ٴدىنىن سوتسياليستىك قوعامعا سايكەستىرۋگە بەلسەنە جەتەكتەپ، ٴدىننىڭ تاتۋلىعىن، قوعامنىڭ جاراسىمدىلىعىن، ۇلتتىڭ جاراسىمدىلىعىن جەبەپ، قوعامنىڭ دامۋىن، العا باسۋىن ىلگەرىلەتۋدە بەلسەندى رول اتقارۋ كەرەك.

    لاسا قالاسىنىڭ كونە قالا رايونىنداعى باكو كوشەسى 1300 جىلدان استام تاريحقا يە. شي جينپيڭ باكو كوشەسىنىڭ كەلبەتىن جاياۋ كوزدەن كەشىرىپ، ەرەكشە تاۋار دۇكەندەرىنە كىرىپ، ساياحات مادەنيەت جاسامپازدىعى كاسىبىنىڭ دامۋى، مادەنيەتتى جالعاستىرۋ، قورعاۋ سياقتى جاعدايلاردى ۇعىستى. ٴار ۇلت بۇقاراسى باس شۋجيگە امانداستى. شي جينپيڭ قول بۇلعاپ كوپشىلىككە قۇرمەت ٴبىلدىردى. شي جينپيڭ ىلە ـ شالا بۋدالا سارايى الاڭىنا كەلدى، الاڭدا نارت قىزىل مەملەكەت تۋى جەلبىرەپ تۇر، شيزاڭنىڭ بەيبىت جولمەن ازات بولۋ ەسكەرتكىشى اسقاق تۇر، بۋدالا سارايىنىڭ ايبىندى بەينەسى ەرەكشە كوزتارتادى. شي جينپيڭ بۋدالا سارايىن قورعاۋ، باسقارۋ سياقتى جاعدايلاردى ۇعىسىپ، ٴار ۇلت بۇقاراسىنان شىنايى حال سۇرادى. الاڭداعى ساياحاتشىلار مەن جەرگىلىكتى بۇقارا باس شۋجي سالەمەتسىز بە دەپ امانداستى. شي جينپيڭ مىنالاردى اتاپ كورسەتتى: شيزاڭدى ٴار ۇلت بىرگە اشقان، شيزاڭ تاريحىن ٴار ۇلت بىرگە جازعان، زاڭزۋ ۇلتى مەن باسقا ۇلتتاردىڭ اۋىس ـ كۇيىسى شيزاڭنىڭ تاريحي دامۋىنىڭ تۇتاس بارىسىنا سىڭىرىلگەن. قازىر جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالدى، شيزاڭنىڭ دامۋى دا جاڭا تاريحي باستامادا تۇر، تەك جۇڭگو كوممۋنيستىك پارتياسىنا ىلەسىپ، جۇڭگوشا سوتسياليزم جولىمەن باتىل ٴجۇرىپ، ٴبىر نيەتپەن سەلبەسىپ، ۇلتتار ىنتىماعىن كۇشەيتسەك بولعانى، ٴبىز ٴسوز جوق، ەكىنشى 100 جىلدىق كۇرەس نىساناسىن ۋاعىندا جۇزەگە اسىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرا الامىز. شي جينپيڭ ءار ۇلت بۇقاراسىنا زاشيدەلە دەپ ىزگى تىلەك ٴبىلدىردى.

    سول كۇنى كەشتە شي جينپيڭ شيزاڭ حالىق سارايىندا ٴار ۇلت كادر-جۇرتشىلىعىمەن بىرگە ۇلتتىق ادەبيەت-كوركەمونەر كونسەرتىن تاماشالادى. اسقاق اندەر مەن مىڭ بۇرالعان بيلەر شيزاڭنىڭ وزگەشە مادەنيەتىن ايگىلەپ، شيزاڭداعى ٴار ۇلت بۇقاراسىنىڭ پارتياعا تاباندىلىقپەن ىلەسىپ، اناعۇرلىم باقىتتى، تاماشا تۇرمىستى بىرگە جاراتۋداعى بەرىك سەنىمىن بەينەلەدى.

    7-ايدىڭ 23-كۇنى تۇستەن بۇرىن شي جينپيڭ شيزاڭ اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداپ، شيزاڭنىڭ ٴتۇرلى قىزمەتىندە قول جەتكىزگەن تابىستارىن تۇراقتاندىرىپ، اۆتونوميالى رايوندىق پارتكوم مەن ۇكىمەتتىڭ قالىڭ كادرلار مەن بۇقارانى ىنتىماقتاستىرىپ جانە باستاپ، ٴبىر نيەتپەن سەلبەسىپ، ۇدەرە العا تارتىپ، ىنتىماقتى، باي، وركەنيەتتى، جاراسىمدى، كورىكتى سوتسياليستىك وسىزاماندانعان جاڭا شيزاڭ قۇرۋعا قۇلشىنۋىن ٴۇمىت ەتتى.

    شي جينپيڭ مىنالاردى باسا دارىپتەدى: شيزاڭ قىزمەتىنىڭ كەزەڭدىك ەرەكشەلىگىن دۇرىس يگەرىپ، بۇقارالىق قىزمەتتى تىڭعىلىقتى ىستەپ، قوعامدىق جونگە سالۋ دەڭگەيىن جوعارىلاتىپ، مەملەكەتتىڭ حاۋىپسىزدىگىنە، قوعامنىڭ ورنىقتىلىعىنا، حالىقتىڭ باقىتىنا شىنايى كەپىلدىك ەتۋ كەرەك. ۇلتتار ىنتىماعى، العاباسارلىعى جونىندەگى ۇگىت-تاربيەنى سوتسياليستىك وزەكتى قۇن كوزقاراسى تاربيەسىمەن، وتانشىلدىق تاربيەسىمەن، بولشەكتەۋشىلىككە قارسى تۇرۋ كۇرەس تاربيەسىمەن، جاڭا، كونە شيزاڭدى سالىستىرۋ تاربيەسىمەن جانە ماركسيزمدىك مەملەكەت كوزقاراسىمەن، تاريح كوزقاراسىمەن، ۇلت كوزقاراسىمەن، مادەنيەت كوزقاراسىمەن، ٴدىن كوزقاراسى تاربيەسىمەن ۇشتاستىرۋعا تاباندى بولىپ، باياندى شارالاردى كوبىرەك قاراستىرىپ، نەگىزدى بەكەمدەۋ شارالارىن كوبىرەك اتقارۋ كەرەك. ۇلتتاردىڭ ارالاسۋىن، توعىسۋىن نىعايتىپ، ٴار ۇلت بۇقاراسىنىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن ۇزدىكسىز كۇشەيتىپ، ۇلتتار ىنتىماعىنىڭ يدەيالىق نەگىزىن بەكەمدەۋ كەرەك.

    شي جينپيڭ بىلاي دەپ اتاپ كورسەتتى: شيزاڭنىڭ جوعارى ساپالى دامۋىن ىلگەرىلەتۋ،بارلىق دامۋعا ۇلتتار ىنتىماعىنىڭ، العا باسارلىقتىڭ ماڭىزىن، حالىق تۇرمىسىن جاقسارتۋدىڭ، جۇرت تىلەگىن ۇيىستىرۋدىڭ ماڭىزىن كورنەكتىلەندىرۋگە تاباندى بولۋ كەرەك، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتۋعا ٴتيىمدى ەتۋ كەرەك. ارتىقشىلىقتى ساۋلەلەندىرىپ، ولقىلىقتى تولىقتاپ، جەرگىلىكتى جاعدايعا قاراي ىستەپ، رەفورما جاساپ، ەسىك اشۋدى تەرەڭدەتىپ، تەمىر جول، تاس جول جانە باسقا دا كەلەلى نەگىزدىك قۇرىلعىلار قۇرىلىسىن جەدەلدەتىپ، ەرەكشە كاسىپتەردى دامىتىپ، مەملەكەتتىڭ تازا ەنەرگيا بازاسىن جەدەل قۇرىپ، دامۋ مەن حاۋىپسىزدىكتى ٴبىر تۇتاس جوسپارلاپ، شيزاڭنىڭ ٴىس جۇزىندىگىنە ۇيلەسەتىن جوعارى ساپالى دامۋ جولىن اشۋ كەرەك.

    شي جينپيڭ بىلاي دەپ باسا دارىپتەدى: سوڭعى جىلدارى شيزاڭداعى ٴار ۇلت بۇقاراسىنىڭ تۇرمىسىندا جانە رۋحاني بەت ـ بەينەسىندە زور وزگەرىستەر تۋىلدى، مەن بارعان جەرىمدە كوپشىلىكتىڭ جاقسى تۇرمىس كەشىرىپ جاتقان باقىت سەزىمىن، پارتيا مەن مەملەكەتكە دەگەن العىس سەزىمىن سەزىندىم. حالىقتى وزەك ەتكەن دامۋ يدەياسىنا تاباندى بولىپ، كەدەيلىكتەن قۇتىلدىرۋدان قامال الۋ جەتىستىكتەرىن بەكەمدەۋدىڭ، كەڭەيتۋدىڭ اۋىل-قىستاقتى گۇلدەندىرۋدى جاپپاي ىلگەرىلەتۋمەن ٴونىمدى ۇشتاسۋىن ىلگەرىلەتىپ، نازاردى بۇقارا جاپپاي نازار اۋدارىپ وتىرعان حالىق تۇرمىسى ماسەلەلەرىنە اناعۇرلىم شوعىرلاندىرىپ، جۇمىسقا ورنالاستىرۋ، وقۋ ـ اعارتۋ، قوعامدىق قامتاماسىزداندىرۋ، ەمدەۋ، زەينەتكەرلىك، بالالار باقشاسى، تۇرعىن ٴۇي سياقتى حالىق تۇرمىسىنا قاتىستى ناقتى ىستەردى ويداعىداي ىستەپ، ٴبىر-بىرلەپ تياناقتاندىرىپ، ٴار ۇلت بۇقاراسىنىڭ تابىس سەزىمىنىڭ اناعۇرلىم كۇشتى، باقىت سەزىمىنىڭ اناعۇرلىم باياندى، حاۋىپسىزدىك سەزىمىنىڭ اناعۇرلىم قامتاماسىزداندىرىلۋىنا مۇمكىندىك جاساۋ كەرەك. شەكارا نەگىزدىك قۇرىلعى قۇرىلىسىن كۇشەيتىپ، ٴار ۇلت بۇقاراسىن شەكارا وڭىرگە تامىر تارتۋعا، مەملەكەت تەرريتورياسىن قورعاۋعا، اتا مەكەنىن گۇلدەندىرۋگە شابىتتاندىرۋ كەرەك.

    شي جينپيڭ بىلاي دەپ اتاپ كورسەتتى: شيزاڭنىڭ ەكولوگيالىق ورتاسىن ويداعىداي قورعاۋ- ۇزاق بولاشاققا پايدالى، دۇنيە جۇزىنە پايدالى. تۇنىق سۋ، جاسىل تاۋ _ _ باعالى بايلىق، مۇزدى القاپ، قارلى دالا دا باعالى بايلىق دەگەن تانىمدى بەرىك ورناتىپ، ستراتەگيالىق تۇراقتىلىقتى ساقتاپ، ەكولوگيالىق ورتانى جونگە سالۋ دەڭگەيىن جوعارىلاتىپ، چيڭحاي ـ شيزاڭ ۇستىرتىندەگى ورگانيزمدەردىڭ الۋان تۇرلىلىگىن قورعاۋدى ىلگەرىلەتىپ، ەكولوگيانى الدىمەن ەسكەرۋ، جاسىل دامۋ جولىمەن بۇلجىماي ٴجۇرىپ، ادام مەن تابيعات جاراسىمدى قاتار ٴومىر سۇرەتىن وسىزامانداندىرۋ قۇرىلسىن جۇرگىزۋگە قۇلشىنىپ، جەر شارىنىڭ 3 ـ ۇيەكتى ەكولوگياسىن شىن مانىندە ويداعىداي قورعاۋ كەرەك.

    شي جينپيڭ مىنالاردى باسا دارىپتەدى: تاريحتى ۇيرەنۋگە دەن قويۋ- پارتيا تاريحىن ۇيرەنۋ تاربيەسىنىڭ تابان تىرەر تياناعى، تاريحتى ۇيرەنىپ اقيقاتتى ايقىنداۋ، تاريحتى ۇيرەنىپ سەنىمدى ارتتىرۋ، تاريحتى ۇيرەنىپٴمورالدى قاستەرلەۋ جەتىستىكتەرىن سۋبيەكتيۆ دۇنيە مەن وبيەكتيۆ دۇنيەنى وزگەرتۋدىڭ ٴىس جۇزىندىك ارەكەتىنە اينالدىرۋ كەرەك. پارتيالىلىقتى شىڭداۋ جاعىندا كۇش سالىپ، قالىڭ پارتيا مۇشەلەرىن، كادرلاردى پارتيانىڭ داڭقتى ٴداستۇرىن ساۋلەلەندىرىپ، توڭكەرىستىك رۋحتى جالعاستىرىپ، ۇلى پارتيا قۇرۋ رۋحىمەن پارتيالىلىق تاربيەلەنۋدى نارلەندىرىپ، مۇرات-سەنىمدى بەكەمدەپ، ساياسي تۇجىرىم قابىلەتىن، ساياسي سانالىلىقتى، ساياسي اتقارۋ قابىلەتىن ۇزدىكسىز جوعارىلاتىپ،مەملەكەت ٴىسىن كوكەيدە ساقتاپ، باستان-اياق پارتيالىلىق پرينسيپ ارقىلى ٴوزىن تاربيەلەپ، تارتىپكە شاقىرىپ، بەرىك پارتيالىلىق سەنىم ارقىلى حالىقتىڭ سەنىمىنە يە بولىپ، بۇقاراعا جەتەكشىلىك ەتۋ كەرەك. حالىق ٴۇشىن قىزمەت ىستەۋ جولىندا قۇلشىنىپ، قالىڭ پارتيا مۇشەلەرىن، كادرلاردى باستان ـ اياق حالىقتى كوڭىلدەگى ەڭ جوعارى ورىنعا قويىپ، حالىق بۇقاراسىنىڭ سىرلاسى، جاناشىرى، جول باستاۋشىسى بولىپ، بۇقارانىڭ مۇڭ ـ مۇقتاجى مەن ارمان-تىلەگى ماسەلەسىن دەن قويا تىڭداپ، سۇيىسپەنشىلىكپەن، كۇش سالا شەشىپ، جالپى حالىقتىڭ بىرگە اۋقاتتانۋىن اناعۇرلىم كورنەكتى ماندىك ىلگەرىلەۋشىلىككە جەتكىزۋگە قۇلشىنا تۇسۋ كەرەك. دامۋدى ىلگەرىلەتۋ جاعىندا كۇش سالىپ، پارتيا مۇشەلەرىن، كادرلاردى پارتيا تاريحىن ۇيرەنۋدى قىزمەتتى ىلگەرىلەتۋمەن ۇشتاستىرىپ، شىندىققا جۇگىنىپ، ناقتى ٴىس ىستەۋگە، جاۋاپكەرشىلىك ارقالاۋعا، ىسكەرلىك كورسەتۋگە تاباندى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاسامپازدىقپەن تياناقتاندىرىپ، دامۋداعى قيىن ماسەلەلەردى شەشۋگە، دامۋ باسىمدىلىعىن بەكەمدەۋگە كۇش سالىپ، پارتيا مەن حالىقتىڭ ٴۇمىتىن جەردە قالدىرمايتىن، تاريح پەن داۋىرگە لايىق تىڭ ناتيجەلەر جاراتۋعا قۇلشىنۋ كەرەك.

    شي جينپيڭ بىلاي دەپ اتاپ كورسەتتى: پارتيا ورتالىق كوميتەتى شيزاڭداعى كادرلار مەن جۇمىسشى-قىزمەتكەرلەرگە ايرىقشا كوڭىل ٴبولىپ، شيزاڭنىڭ ەرەكشە جاپالى قىزمەتىن، تۇرمىسىن شىعار ٴتۇيىن ەتىپ، ەرەكشە ەڭبەكاقى جانە قاتىستى يگىلىك ساياساتتارىن بەلگىلەدى، تياناقتاندىرۋدى شىنايى مىقتى يگەرىپ، كادرلار مەن جۇمىسشى ـ قىزمەتكەرلەردىڭ دەنساۋلىعىن قامتاماسىزداندىرۋ قىزمەتىنە ٴمان بەرىپ، كادرلار مەن جۇمىسشى-قىزمەتكەرلەردى ۋايىمىنان ارىلتىپ ماسەلەلەرىن ويداعىداي شەشۋ كەرەك.

    شي جينپيڭ شيزاڭ اۆتونوميالى رايونىنداعى، سونداي-اق قاتىستى تاراۋلارداعى، قالالارداعى جاۋاپتى جولداستارمەن جانە ساقا جولداستاردىڭ ۋاكىلدەرىمەن، ٴار ۇلت، ٴار سالا ۋاكىلدەرىمەن، شيزاڭعا كومەككە كەلگەن كادرلاردىڭ ۋاكىلدەرىمەن، ساياسي-زاڭ كادر-ساقشىلارىنىڭ ۋاكىلدەرىمەن،ٴدىن سالاسىنداعى وتانشىل قايراتكەرلەردىڭ ۋاكىلدەرىمەن جەكە-جەكە كەزدەستى. شي جينپيڭ پارتيا ورتالىق كوميتەتى اتىنان قارلى ۇستىرتتە كۇرەس جاساپ جاتقان قالىڭ جولداستارعا شىنايى سالەم جولدادى.

    7-ايدىڭ 23-كۇنى شي جينپيڭ لاسا قالاسىندا شيزاڭدا تۇراتىن اسكەري بولىمدەردىڭ كوماندير-جاۋىنگەرلەرىنىڭ ۋاكىلدەرىن ىقىلاسپەن قابىلدادى. شي جينپيڭ شيزاڭدا تۇراتىن اسكەري بولىمدەردەگى بارلىق كوماندير ـ جاۋىنگەرلەردەن شىنايى حال سۇراپ، شيزاڭدا تۇراتىن اسكەري بولىمدەردىڭ كورنەكتى ۇلەسىن تولىق تۇراقتاندىردى. ول مىنالاردى باسا دارىپتەدى: جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، «بايىرعى شيزاڭ رۋحىن» بارىنشا ساۋلەلەندىرىپ، اسكەر جاتتىقتىرىپ، سوعىسقا دايىندالۋ قىزمەتىن جاپپاي كۇشەيتىپ، شيزاڭنىڭ باياندى تىنىشتىعى مەن گۇلدەنىپ ـ كوركەيۋىن، دامۋىن ىلگەرىلەتۋگە بەلسەندى ۇلەس قوسۋ كەرەك.

    قازىر بۇكىل ەل بويىنشا تاسقىننان ساقتانىپ، تاسقىنعا قارسى تۇرۋدىڭ شەشۋشى مەزگىلى. تەكسەرۋ بارىسىندا شي جينپيڭ حىناندا قالىڭ جاڭبىر جاۋىپ تاسقىن جۇرگەنىنەن حابار تاپقاننان كەيىن، دەرەۋ ماڭىزدى نۇسقاۋ بەرىپ، حالىق بۇقاراسىنىڭ ٴومىرى مەن مال-مۇلكىنىڭ حاۋىپسىزدىگىن قامتاماسىزداندىرۋدى باستان-اياق ٴبىرىنشى ورىنعا قويىپ، تاسقىننان ساقتانۋ، اپاتتان قۇتقارۋعا جەدەل كۇش ۇيىمداستىرىپ، اپاتقا ۇشىراعان بۇقارانى لايىقتى ورنالاستىرىپ، قوسالقى اپاتتاردان قاتاڭ ساقتانىپ، ٴولىم-ٴجىتىم مەن مال-مۇلىك زيانىن مۇمكىندىكتىڭ بارىنشا ازايتۋدى تالاپ ەتتى. شي جينپيڭ ازاتتىق ارميا مەن قارۋلى ساقشى بولىمدەرىنەن جەرگىلىكتى ورىنداردىڭ قاتەردەن اراشالاۋ، اپاتتان قۇتقارۋ قىزمەتىنە بەلسەنە سەلبەسىپ، مەملەكەتتىك تاسقىننان ساقتانۋ قۋاڭشىلىققا قارسى تۇرۋ باس قولباسشىلىق شتابىنان، شۇعىل جاعدايعا توتەپ بەرۋدى باسقارۋ مينيسترلىگىنەن، سۋ يگىلىگى مينيسترلىگىنەن، قاتىناس-تاسىمال مينيسترلىگىنەن ٴبىر تۇتاس سايكەستىرۋدى كۇشەيتىپ، اۋا رايىن باقىلاۋ، الدىن الا مالىمەت بەرۋ مەن گەولوگيالىق اپاتتى باعالاۋدى كۇشەيتىپ، تاسقىننان ساقتانۋ، اپاتتان قۇتقارۋ قىزمەتتەرىن ەگجەي-تەگجەيلى، ناقتى يگەرۋدى تالاپ ەتتى. جەر-جەرلەر، قاتىستى تاراۋلار ٴتۇرلى قىزمەتتەردى شىنايى جاقسى ىستەپ، ٴوندىرىس، تۇرمىس ٴتارتىبىن تەز ارادا قالپىنا كەلتىرىپ، اپاتقا ۇشىراعان بۇقارانى سۇيەمەلدەۋ، قۇتقارۋ جانە دەنساۋلىق ساقتاۋ، اۋرۋدىڭ الدىن الۋ قىزمەتىن ويداعىداي ىستەپ، كەدەيلىكتەن قۇتىلدىرۋدان قامال الۋدىڭ جەتىستىكتەرىن بەكەمدەۋگە ٴمان بەرۋ كەرەك. شيزاڭ دا وسى تالاپتاردى ايتارلىقتاي تياناقتاندىرىپ، جاراتىلىستىق اپاتتاردان ساقتانۋ جانە ونى ٴبىرجاقتىلى ەتۋ قىزمەتىن ويداعىداي ىستەۋى كەرەك.

    ديڭ شۋەشياڭ، ليۋ حى، ياڭ شياۋدۋ، جاڭ يوۋشيا، چىن شي، حى ليفىڭ سونداي-اق ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار تەكسەرۋدە بىرگە بولدى، پابالا گىلەلاڭجيە قاتىستى قيمىلدارعا قاتىناستى.

اۋدارعان: شالقار قازەز ۇلى، كۇلان ىرىسباي قىزى