شي جينپيڭ چۇڭچيڭدە قىزمەت تەكسەرگەندە رەفورما جاساپ، ەسىك اشۋدى اناعۇرلىم جالپى بەتتىك تەرەڭدەتىپ، جۇڭگو ۇلگىسىندەگى وسىزامانداندىرۋدىڭ چۇڭچيڭ تاراۋىن ۇزدىكسىز جازۋ كەرەك، -دەپ باسا دارىپتەدى، ساي شي قىزمەت تەكسەرۋگە بىرگە بولدى

ءوز حابارىمىز. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەر كوميتەتىنىڭ ءتوراعاسى شي جينپيڭ جاقىندا چۇڭچيڭدە قىزمەت تەكسەرگەندە بىلاي دەپ باسا دارىپتەدى: چۇڭچيڭ جاڭا ءداۋىر، جاڭا جورىقتا پارتيانىڭ وزەكتى مىندەتىن جانە پارتيا ورتالىق كوميتەتى جۇكتەگەن بورىشتى وتەۋدە سالىستىرمالى ابزالدىقتى، تەبىندىلىك ابزالدىقتى تولىق ساۋلەلەندىرىپ، رەفورما جاساۋدى، ەسىك اشۋدى ونان ارى تەرەڭدەتىپ، جاڭا دامۋ ارناسىنا ىرىقتىلىقپەن قىزمەت وتەپ جانە توعىسىپ، جوعارى ساپالى دامۋدى كۇش سالا ىلگەرىلەتىپ، جاڭا داۋىردەگى باتىس بولەكتى قاۋىرت اشۋدىڭ ماڭىزدى ستراتەگيالىق تىرەگىن، ىشكى قۇرىلىقتىق ەسىك اشۋ ۋنيۆەرسال تورابىن كۇش سالا قۇرىپ، «ءۇش رولدى» ساۋلەلەندىرۋدە اناعۇرلىم زور تىڭ ناتيجە جاراتىپ، جۇڭگو ۇلگىسىندەگى وسىزاماندانعان چۇڭچيڭ تاراۋىن جازۋعا ۇزدىكسىز قۇلشىنۋ كەرەك.

شي جينپيڭ 4-ايدىڭ 22-كۇنىنەن 24-كۇنىنە دەيىن ج ك پ ورتالىق كوميتەتى ساياسي بيۋروسىنىڭ مۇشەسى، چۇڭچيڭ قالالىق پارتكومنىڭ شۋجيى يۋان جياجۇن جانە قالا باستعى حۋ حىڭحۋانىڭ سەرىك بولۋىندا، زات اينالىم باقشا رايونى، قالا الەۋمەتتىك رايونى، سيفىرلاسقان قالا ايلانىمى جانە باسقارۋ ورتالىعى قاتارلىلاردا ىشكەرىلەي تەكسەرىپ زەرتتەۋ جۇرگىزدى.

4-ايدىڭ 22-كۇنى تۇستەن كەيىن، شي جينپيڭ الدىمەن چۇڭچيڭ حالىقارالىق زات اينالىمى تورابى باقشا رايونىن كوزدەن كەشىردى. ول باتىس بولەك قۇرىلىق-تەڭىز جاڭا ارناسى چۇڭچيڭ ۋشۇي پورتى تيجارات اينالىمى ورتالىعىنا بارىپ، جاڭا ارنا قۇرىلىسىنىڭ جاعدايى جونىندەگى مالىمەتتى تىڭدادى. شي جينپيڭ بىلاي دەپ باسا دارىپتەدى: زات اينالىمى—ناقتى ەكونوميكانىڭ ارقاۋى. باتىس بولەك قۇرىلىق-تەڭىز جاڭا ارناسىن قۇرۋ «قۇرىلىق-تەڭىز جانە ءىش پەن سىرت بىرلەسىپ ارەكەتتەنەتىن، شىعىس پەن باتىس قوس باعىتتا ءوزارا كومەكتەسەتىن» سىرتقا ەسىك اشۋ جاعدايىن قالىپتاستىرۋدى ىلگەرىلەتۋدە ماڭىزدى مانگە يە. قاتىستى جاقتار ءبىر نيەتپەن سەلبەسىپ، بەلگى سيپاتتى وسى نىساندى ويداعىداي قۇرىپ، ويداعىداي ىسكە قوسىپ، باتىس بولەك پەن ىشكى قۇرىلىقتىق ءوڭىردى جوعارى دەڭگەيدە سىرتقا ەسىك اشۋعا جەتەكتەۋ كەرەك.

وسىدان كەيىن شي جينپيڭ چۇڭچيڭ تەمىر جول تيەۋىش قوراپ ورتالىق بەكەتىنە بارىپ، زاتتاردى جيناۋ-جونەلتۋ، تاسىمال جولى، اينالىم وزىندىك قۇنى جانە ونىمدىلىگى سياقتى جاقتارداعى تانىستىرۋلاردى تىڭدادى. شي جينپيڭ بىلاي دەپ باسا دارىپتەدى: زات اينالىمى باقشا رايونىندا وزىق تەحنيكالاردان بەلسەنە پايدالانىپ، بىرلەسىپ تاسىمالداۋ ۇلگىسىندە ۇزدىكسىز جاڭالىق جاراتىپ، عىلمي باسقارۋ دەڭگەيىن جوعارىلاتىپ، وسىزامانعى زات اينالىمى جۇيەسىن ورناتۋدا اناعۇرلىم زور رول اتقارۋ كەرەك. شي جينپيڭ جۇك اۆتوموبيلىنىڭ شوفەرى، پويەز شوفەرى، جۇك تيەۋشى جۇمىسكەرلەر، الاڭ-بەكەت باسقارۋشىلارى قاتارلىلارمەن ىقىلاستى اڭگىمە قۇردى. شي جينپيڭ بىلاي دەدى: سىزدەر زات اينالىمىنىڭ ءبىرىنشى شەبىندە، سونداي-اق سىرتقا ەسىك اشۋدىڭ ءبىرىنشى شەبىندە تۇرسىزدار، سىزدەردىڭ قاجىرلى ەڭبەكتەرىڭىزدىڭ ارقاسىندا كوپتەگەن تاۋارلار تاۋ-تەڭىزدەردەن ءوتىپ، دۇنيە جۇزىنە بەت الدى، سىزدەردىڭ قىزمەتتەرىڭىز ەرەكشە ءماندى بولۋدا. باتىس بولەكتى قاۋىرت اشۋدى ىلگەرىلەتۋدە، باتىس بولەكتى قاۋىرت اشۋدى جەبەۋدە زات اينالىمى ەرەكشە ماڭىزدى، كوپشىلىك جالعاستى تىرىسىپ، ۇزدىكسىز جاڭا ناتيجەلەر جاراتىپ، جاڭا ۇلەستەر قوسۋى كەرەك. اتتاناردا شي جينپيڭ كوپشىلىكتىڭ قىزمەت كۇشەمەلىلىگىن، ەڭبەك حاۋىپسىزدىگىن، مەرەكە، دەمالىس كۇندەرىن جانە كىرىس جاعدايىن ىقىلاستى تۇردە سۇراستىردى.

سونىمەن بىرگە، شي جينپيڭ چۇڭچيڭنىڭ چىڭدۋ-چۇڭچيڭ ءوڭىرى قوس قالا ەكونوميكا شەڭبەرى قۇرىلىسىن ىلگەرىلەتۋ جاعدايىنان مالىمەتتى تىڭداپ، چۇڭچيڭ عىلىم-تەحنيكادا جاڭالىق جاراتۋ جانە كاسىپ سالاسىن دامىتۋ جەتىستىكتەرى كورمەسىن ەكسكۋرسيالادى. شي جينپيڭ بىلاي دەدى: چىڭدۋ-چۇڭچيڭ ءوڭىرى قوس قالا ەكونوميكا شەڭبەرىن قۇرۋ-پارتيا ورتالىق كوميتەتى جاساعان كەلەلى ستراتەگيالىق شەشىم. چۇڭچيڭ، سىچۋان ەكى جەر تىعىز سەلبەسىپ، دامۋ قابىلەتىن ۇزدىكسىز جوعارىلاتىپ، جاڭا داۋىردەگى باتىس بولەكتىڭ «قوس قالا جىرىن» بىرگە اسقاقتاتا شىرقاۋ كەرەك. تىرەكتى كاسىپ سالاسى—جاڭا ساپالى وندىرگىش كۇشتەردى دامىتۋدىڭ نەگىزگى شەبى. چۇڭچيڭدە جاساۋ كاسىبىنىڭ وزىندىك قۇرىلىمدىق ەرەكشەلىگى، سايكەستى باسىمدىعى بار، چۇڭچيڭنەن عىلىم-تەحنيكادا جاڭالىق جاراتۋ سىندى باس بۇيدانى مىقتى ۇستاپ، باسىمدىقتى ساۋلەلەندىرىپ، ولقىلىقتاردى تولىقتاپ، قازىرگى جاعدايدى يگەرىپ، بولاشاقتى كوزدەپ، تاباندىلىقپەن، ۇزاق ۋاقىت ۇلەس قوسىپ، جاساۋ كاسىبىنىڭ جوعارى ساپالى دامۋىن قۇلشىنا ىلگەرىلەتۋدى ءۇمىت ەتەمىن.

جيۋلۇڭپو رايونى شيەجياۋان كوشە باسقارماسى مينجۋ قىستاعى الەۋمەتتىك رايونى—بايىرعى شاعىن رايون ەدى، 2022-جىلدىڭ باسىندا جاڭالاۋ، وزگەرتۋ نىسانى باستالدى ءارى مەملەكەت بويىنشا قاتىستى سىناق تۇيىنگە ەنگىزىلدى. شي جينپيڭ وسى اراعا كەلىپ، شاعىن رايوندى جاڭالاۋ جانە حالىققا قولايلى قىزمەت وتەۋ جاعدايىن كوزدەن كەشىردى. شي جينپيڭ بىلاي دەپ انىق ايتتى: كونە شاعىن رايونداردى جاڭالاۋ قالانى جاڭالاۋدىڭ ماڭىزدى ءتۇيىنى ءارى حالىق تۇرمىسى ينجەنەرياسى. ءارى تاريحي ەستەمەنى جانە ەرەكشە بەت-بەينەنى ساقتاۋ، ءارى تۇرعىندار كوڭىل ءبولىپ وتىرعان ءىس جۇزىندىك ماسەلەلەردى شەشۋ كەرەك. وسى جاعىنداعى تابىستى تاجىريبەلەردى قورىتىندىلاپ، جالپىلاستىرىپ، قالىڭ الەۋمەتتىك رايون تۇرعىندارىنا اناعۇرلىم ويداعىداي تيىمدىلىك جاساۋ كەرەك. شي جينپيڭ نەگىزگى ساتىنى باسقارۋ ونىمدىلىگىن جوعارىلاتىپ، نەگىزگى ساتىنىڭ اۋىرتپالىعىن جەڭىلدەتۋ جاعدايى جونىندەگى تانىستىرۋدى تىڭدادى. شي جينپيڭ بىلاي دەپ انىق ايتتى: قالا باسقارۋدىڭ كوپتەگەن قىزمەتتەرىندە نەگىزگى ساتى پارتيا ۇيىمى سىندى جاۋىنگەرلىك قامال جانە الەۋمەتتىك رايون سىندى تەكشەگە سۇيەنىپ تياناقتاندىرۋ كەرەك، قالالارداعى الەۋمەتتىك رايونداردىڭ قىزمەت جاۋاپكەرشىلىك ىستەرىن ايقىنداۋ، بايلىقتىڭ تومەنگە ءتۇسۋىن ۇزدىكسىز ىلگەرىلەتۋ، قىزمەت وتەۋ قۇرىلعىلارىن كەمەلدەندىرۋ، توركوزدەندىرىپ باسقارۋدى، ينفورماتسيالاندىرۋدى تىرەك ەتۋدى كۇشەيتۋ كەرەك. الەۋمەتتىك رايوندى زەر سالا باسقارۋ، دالمە-ءدال قىزمەت وتەۋ دەڭگەيىن جوعارىلاتۋ كەرەك. شي جينپيڭ الەۋمەتتىك رايون اسحاناسىنا بارىپ، تاماقتانىپ جاتقان بۇقارامەن ىقىلاستى اڭگىمەلەسىپ، الەۋمەتتىك رايون اسحاناسى ىستەرىن باياندى ىلگەرىلەتۋگە شابىتتاندىردى.

اتتاناردا الەۋمەتتىك رايون تۇرعىندارى جاپا-تارماعاي كەلىپ باس شۋجيدى ۇزاتىپ سالدى. شي جينپيڭ كوپشىلىككە بىلاي دەدى: جۇڭگو ۇلگىسىندەگى وسىزامانداندىرۋدا حالىق تۇرمىسى ەڭ زور ءىس. جۇڭگو كوممۋنيستىك پارتياسىنىڭ ىستەۋگە ءتيىستى ءىسى بۇقارانى اناعۇرلىم باقىتتى تۇرمىسقا كەنەلتۋ. شي جينپيڭ ءار دارەجەلى پارتكومدار مەن ۇكىمەتتەردىڭ حالىق تۇرمىسى ماسەلەسىن شەشۋگە اناعۇرلىم كوپ قازىنالىق، زاتتىق كۇش قوسىپ، ءار جىلى حالىق تۇرمىسىنا قاتىستى ناقتى ىستەردى ىستەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋىن ءۇمىت ەتتى.

4-ايدىڭ 23-كۇنى تۇستەن بۇرىن شي جينپيڭ چۇڭچيڭ قالاسىنىڭ سيفرلانعان قالا اينالىمى جانە باسقارۋ ورتالىعىن كوزدەن كەشىرىپ، جەرلىك ورىننىڭ قالانىڭ سيفرلانۋىنا بۇرىلىس جاساۋىن جەدەلدەتۋ، ەرەكشە ءىرى قالا باسقارۋ جاڭا جولىن اشۋعا ىزدەنىس جاساۋ سياقتى جاعدايلاردان بەرگەن مالىمەتىن تىڭداپ، جۇيەلىك قولدانبالى تۇسىندىرمەنى كوردى. شي جينپيڭ بىلاي دەپ انىق ايتتى: باسقارۋ جۇيەسىن جانە باسقارۋ قابىلەتىن وسىزامانداندىرۋ — جۇڭگو ۇلگىسىندەگى وسىزامانداندىرۋدا بولۋعا ءتيىستى مازمۇن. سيفرلى تەحنيكا ارقىلى قابىلەت ۇستەۋدى كۇشەيتىپ، قالا باسقارۋدىڭ وسىزاماندانۋىن ىلگەرىلەتۋدە ءىرى ساندى مالىمەت تەكشەسى مەن توراپ جۇيەسىن عىلمي جوبالاپ، قۇرىپ، بىرلەسىپ قولباسشىلىق ەتۋدى جانە ءار جاقتىڭ سايكەسۋىن كۇشەيتىپ، اتقارۋ قۋاتىن شىنايى جوعارىلاتۋ كەرەك. قالا باسقارۋ بارلىق جاققا سايادى، مۇندا، ەڭ اۋەلى، «قاي-قاشاندا الاڭسىز بولماۋداي» جاۋاپكەرشىلىك سەزىممەن، جوبانى ويداعىداي جاساپ، دالمە-ءدال باسقارىپ-تىزگىندەپ، تەز اڭىس قايتارىپ، ءتۇرلى جاعدايلاردى ءونىمدى ءبىر جاقتى ەتىپ، قالانىڭ حاۋىپسىز، ءتارتىپتى اينالىمىنا شىنايى كەپىلدىك ەتۋ كەرەك. سىزدەردىڭ ۇزدىكسىز ىزدەنىپ، جاڭا تاجىريبەلەر توپتاۋلارىڭىزدى ءۇمىت ەتەمىن.

4-ايدىڭ 24-كۇنى تۇستەن بۇرىن، شي جينپيڭ چۇڭچيڭ قالالىق پارتكوم مەن ۇكىمەتتىڭ قىزمەت مالىمەتىن تىڭداپ، چۇڭچيڭنىڭ ءتۇرلى قىزمەتتەردە قول جەتكىزگەن تابىستارىن تۇراقتاندىردى.

شي جينپيڭ بىلاي دەپ انىق ايتتى: چۇڭچيڭنىڭ جاساۋ كاسىبىنىڭ نەگىزى ءبىرشاما جاقسى، عىلىم-تەحنيكا، وقۋ-اعارتۋ، دارىندىلار بايلىعى مول، وزىق جاساۋ كاسىبىن تىرەك ەتكەن وسىزاماندانعان كاسىپ جۇيەسىن كۇش سالا قۇرۋ كەرەك. جاساۋ كاسىبىندەگى كەلەلى تەحنيكا جاڭالاۋ، ساپالاندىرۋ جانە جابدىقتاردى كەڭ كولەمدە جاڭالاۋ ينجەنەرياسىن ىشكەرىلەي اتقارىپ، ءداستۇرلى كاسىپتەردىڭ ارتۋ فورماسىندا بۇرىلىس جاساپ، دامۋ ساپاسىن جوعارىلاتۋدى جەدەلدەتىپ، حالىقارالىق وزىق ورەگە جانە باسەكەلىك قۋاتقا يە ستراتەگيالىق جاڭادان گۇلدەنگەن كاسىپ سالاسىن بەلسەنە جەتىلدىرۋ كەرەك. كەلەلى عىلىم-تەحنيكادا قامال الۋدى كۇشەيتىپ، عىلىم-تەحنيكادا جاڭالىق جاراتۋ مەن كاسىپ سالاسىندا جاڭالىق جاراتۋدىڭ ىشكەرىلەي توعىسۋىن كۇشەيتىپ، جاڭا كاسىپ كۇيىن، جاڭا ۇلگىنى، جاڭا قوزعاۋشى كۇشتى بەلسەنە جەتىلدىرىپ، جاڭا ساپالى وندىرگىش كۇشتەردى جەرلىك جاعدايعا قاراي دامىتۋ كەرەك. چىڭدۋ-چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىن بەلسەنە ىلگەرىلەتىپ، بۇكىل ەلدىڭ جوعارى ساپالى دامۋىنىڭ ماڭىزدى ارتۋ ۇيەگىندىك جانە جاڭا قوزعاۋشى كۇش قاينارىندىق رولىن اناعۇرلىم ويداعىداي ساۋلەلەندىرۋ كەرەك. جاسىل دامۋدى كۇش سالا ىلگەرىلەتىپ، كوركەم چۇڭچيڭ قۇرىپ، چاڭجياڭ وزەنىنىڭ جوعارعى اعارىنداعى ماڭىزدى ەكولوگيالىق قالتقىنى بەكەمدەۋ كەرەك. 

شي جينپيڭ بىلاي دەپ باسا دارىپتەدى: چۇڭچيڭدە باتىلدىقپەن رەفورمانى جالپى بەتتىك تەرەڭدەتۋ، جوعارى دەڭگەيدە سىرتقا ەسىك اشۋدى كەڭەيتۋ كەرەك. «ەكىدەن استە اۋىتقىماۋعا» تاباندى بولىپ جانە تياناقتاندىرىپ، ءبىر جاعىنان، مەملەكەت مەنشىگىندەگى كاسىپورىندار رەفورماسىن تەرەڭدەتۋدى يگەرىپ، وزەكتى باسەكەلىك قۋاتى كۇشتى مەملەكەت مەنشىگىندەگى كاسىپورىنداردان ءبىر توبىن جەتىلدىرۋ، ەندى ءبىر جاعىنان، حالىقتىق شارۋاشىلىقتىڭ دامۋىن، زورايۋىن جەبەۋدى يگەرىپ، ءتۇرلى تيجارات تۇلعالارىنىڭ ومىرشەڭدىگىن تاسقىنداتۋ كەرەك. مەملەكەتتىڭ ءبىر تۇتاس ءىرى بازار قۇرىلىسىمەن بەلسەنە توعىسىپ، مەملەكەتتىڭ كەلەلى ستراتەگيالارىمەن ىرىقتىلىقپەن توعىسىپ جانە وعان قىزمەت وتەپ، «ءبىر بەلدەۋ، ءبىر جولدى» ورتاق قۇرۋدى، چاڭجياڭ ەكونوميكالىق بەلدەۋىن، باتىس بولەك قۇرىلىق-تەڭىز جاڭا ارناسىنىڭ ىقپالداسا دامۋىن ىلگەرىلەتۋدە اناعۇرلىم زور رول اتقارۋ كەرەك. جوعارى ولشەمدى حالىقارالىق ەكونوميكا-ساۋدا ەرەجەسىن ىرىقتىلىقپەن ۇشتاستىرىپ، بازارلانعان، زاڭمەن باسقارىلاتىن، حالىقارالانعان بىرەگەي تيجارات-ساۋدا ورتاسىن قالىپتاستىرۋ كەرەك.

شي جينپيڭ بىلاي دەپ انىق ايتتى: چۇڭچيڭ—ەلىمىز بويىنشا قاراستى جەر اۋدانى ۇلكەن، جان سانى ەڭ كوپ قالا، حالىق قالاسى تانىمىن ىشكەرىلەي امالياتتا ايگىلەپ، ەرەن ءىرى قالالاردى وسىزاماندانعان باسقارۋ جاڭا جولىن اشۋعا بەلسەنە ىزدەنىس جاساۋ كەرەك. زەيىندەستىرىلگەن قالا قۇرىلىسى اياق الىسىن جەدەلدەتىپ، قالا اينالىمى جانە باسقارۋدىڭ زەيىندەستىرىلگەن ورتالىعىن قۇرىپ، «جالپىلىق ءبىر تۇلعالانعان» قالانى ۋنيۆەرسال باسقارۋ ءتۇزىلىس-مەحانيزمىن ورناتىپ، اقاۋسىزداندىرىپ، قالا باسقارۋدى اناعۇرلىم زەيىندەستىرىلگەن، اناعۇرلىم جوعارى ءونىمدى، اناعۇرلىم دالمە-ءدال باسقارۋ ارناسىنا ءتۇسىرۋ كەرەك. پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتتىرۋدى تىڭعىلىقتى ىلگەرىلەتىپ، جاڭا داۋىردەگى «فىڭچياۋ تاجىريبەسىنە» تاباندى بولىپ جانە دامىتىپ، قالا مەن اۋىلدىڭ رۋحاني وركەنيەت قۇرىلىسىن تەرەڭدەتىپ، ەسكى سالت-سانانى وزگەرتۋدى ىلگەرىلەتىپ، تۇتاس قوعامنىڭ وركەنيەت دەڭگەيىن جوعارىلاتۋ، قالا قۇرىلىسىن جالپى بەتتىك ىلگەرىلەتۋ، اپاتتان ساقتانۋ، اپات زيانىن ازايتۋ، اپاتتان قۇتقارۋ قۋاتىن ءونىمدى جوعارىلاتۋ كەرەك.

شي جينپيڭ مىنالاردى باسا دارىپتەدى: چۇڭچيڭدە ءىرى قالانى، ءىرى اۋىل-قىستاقتى، كەڭ بايتاق تاۋلى رايوندى، ءىرى سۋ قويماسى رايونىن ءبىر تۇلعالاندىرۋدى، قالا مەن اۋىلدىڭ توعىسپالى دامۋىن كۇش سالا ىلگەرىلەتۋ كەرەك. اۋداندى، رايوندى، قالانى ماڭىزدى دانەكەر ەتكەن جاڭاشا قالا-قالاشىقتاندىرۋ قۇرىلىسىن ءتارتىپتى ىلگەرىلەتىپ، قالانىڭ ونەركاسىپ-ساۋدا كاپيتالى مەن عىلىم-تەحنيكاسىن، دارىندىلارىن اۋىل-قىستاققا جەتكىزۋدى زاڭ بويىنشا ارناعا ءتۇسىرىپ، اۋىل-قىستاقتى جالپى بەتتىك كوركەيتۋگە دەم بەرۋ كەرەك. استىق ءوندىرىسىن مىقتى، ناقتى يگەرىپ، ەكولوگيالىق ەرەكشەلىككە يە اۋىل شارۋاشىلىعىن تاۋلى رايون جاعدايىنا قاراي دامىتۋ كەرەك. «1000 قىستاقتا ۇلگى كورسەتۋ، 10 مىڭ قىستاقتى وڭاۋ» ينجەنەرياسىنىڭ تاجىريبەسىن ويداعىداي ۇيرەنىپ، ويداعىداي پايدالانىپ، جەرلىك جاعدايعا قاراي اۋىل-قىستاق قۇرىلىسىن ورىستەتىپ، نازاردى قازىرگى كەزەڭدەگى شارۋالار بۇقاراسىنىڭ سۇرانىسى كۇشتى، مىقتى يگەرۋگە بولاتىن، ۇدايى بىرنەشە جىلدار يگەرگەندە عانا ونىمدىلىگىن كورۋگە بولاتىن ءتۇيىندى ناقتى ىستەرگە شوعىرلاندىرىپ، ءاربىر ىستەن ناتيجە شىعارىپ، شارۋالار قاۋىمى سەزىنە الاتىن، ناقتى يگىلىكتەنە الاتىن ەتۋ كەرەك. كەدەيلىكتەن قۇتىلدىرۋدان قامال الۋ جەتىستىكتەرىن بەكەمدەپ، ۇلعايتىپ، كولەمدى قايتا كەدەيلەسۋدىڭ تۋىلماۋىنا شىنايى كەپىلدىك ەتۋ كەرەك.

شي جينپيڭ بىلاي دەپ انىق ايتتى: پارتيانىڭ باسشىلىعىنا تيتتەي دە بوساڭسىماي تاباندى بولۋ، پارتيا قۇرىلىسىن كۇشەيتۋ كەرەك. نەگىزگى تاقىرىپتىق تاربيە جەتىستىكتەرىن بەكەمدەپ، ۇلعايتىپ، باياندى مەحانيزم ورناتىپ جانە كەمەلدەندىرىپ، پارتيا مۇشەلەرىنىڭ، كادرلاردىڭ، اسىرەسە، باسشى كادرلاردىڭ ساياسي قابىلەتىن كۇشەيتۋدى، قىزمەت دەڭگەيىن جوعارىلاتۋدى ىلگەرىلەتىپ، شىنايى يگەرىپ، ناقتى ىستەپ، بەلسەنە العا ۇمتىلىپ، جاۋاپكەرشىلىك ارقالاپ، ناتيجە جاراتۋ كەرەك. فورماشىلدىقتى تۇزەتۋدى ۇزدىكسىز تەرەڭدەتىپ، نەگىزگى ساتىنىڭ اۋىرتپالىعىن جەڭىلدەتىپ، نەگىزگى ساتى كادرلارىنىڭ ناتيجە جاراتىپ كاسىپ قۇرۋىنا تاماشا شارت-جاعداي ازىرلەۋ كەرەك. پارتيا ءتارتىبىن ۇيرەنۋ تاربيەسىن تىڭعىلىقتى ورىستەتىپ، پارتيا مۇشەلەرىن، كادرلاردى ءتارتىپ پەن ەرەجەنى ساياسي سانالىلىققا، يدەيالىق سانالىلىققا، ارەكەت سانالىلىعىنا شىنايى اينالدىرۋعا جەتەكتەۋ كەرەك. شىرىكتەسۋگە باستان-اياق قارسى تۇرىپ جانە شىرىكتەسۋدىڭ ءوسىپ-ونەتىن توپىراعى مەن شارت-جاعدايىن ۇزدىكسىز الاستاپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.

لي گانجيە، حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.