شي جينپيڭ تۇڭعىش كەزەكتى «جۇڭگو-لاتىن امەريكاسى جانە كارايب ەلدەرى عارىش سەلبەستىك تالقىسىنا» قۇتتىقتاۋ حات جولدادى

ءوز حابارىمىز. مەملەكەت ءتوراعاسى شي جينپيڭ 4-ايدىڭ 24-كۇنى تۇڭعىش كەزەكتى «جۇڭگو-لاتىن امەريكاسى جانە كارايب ەلدەرى عارىش سەلبەستىك تالقىسىنا» قۇتتىقتاۋ حات جولدادى.

شي جينپيڭ مىنالاردى اتاپ كورسەتتى: بيىل مەنىڭ لاتىن امەريكاسىنداعى ەلدەردىڭ باسشىلارىمەن بىرگە جۇڭگو-لاتىن امەريكاسى جانە كارايب ەلدەرى ورتاق تۇلعاسى تالقىسىن قۇرۋدى جاريالاعاندىعىمىزدىڭ 10 جىلدىعى. 10 جىلدان بەرى، جۇڭگو-لاتىن امەريكاسى تالقىسى جۇلگەسىندە جۇڭگو مەن لاتىن امەريكاسىنىڭ ءار سالاداعى دوستىق سەلبەستىگى قارىشتاپ دامىپ، جۇڭگو-لاتىن امەريكاسى قاتىناسىنىڭ تەڭ، ءوزارا ءتيىمدى، جاڭالىق جاراتاتىن، اشىق، حالىققا ءتيىمدى جاڭا داۋىرگە ءوتۋىن ىلگەرىلەتتى. مەن تاياۋ جىلداردان بەرى جۇڭگو مەن لاتىن امەريكاسىنىڭ عارىش سەلبەستىگىندە سۇبەلى تابىستارعا قول جەتكىزگەندىگىن قۋانىشپەن كوردىم. ەكى جاق الىستان اڭعارۋ جاساندى سەرىگى، حابارلاسۋ جاساندى سەرىگى جانە شالعاي كەڭىستىك بەكەتى تورابى سياقتى سالالارداعى سەلبەستىكتە ۇزدىكسىز تىڭ ىلگەرىلەۋشىلىككە قول جەتكىزىپ، عىلىم-تەحنيكانىڭ العا باسۋىن ىلگەرىلەتۋدە، وڭىرلىك ءوزارا بايلانىستى كۇشەيتۋدە، حالىقتىڭ ىرىسىن ارتتىرۋدا ماڭىزدى رول اتقاردى. جۇڭگو لاتىن امەريكاسىنداعى جانە كارايب رايونىنداعى ەلدەرىمەن بىرگە تۇڭعىش كەزەكتى جۇڭگو-لاتىن امەريكاسى عارىش سەلبەستىك تالقىسىن باستاما ەتىپ، جوعارى دەڭگەيدەگى جۇڭگو-لاتىن امەريكاسى عارىش سەلبەستىك سەرىكتەستىك قاتىناسىن ورناتىپ، عارىش تەحنيكاسىنىڭ ەكى جاق حالقىن اناعۇرلىم ويداعىداي يگىلىككە كەنەلتۋىن جەبەپ، جۇڭگو مەن لاتىن امەريكاسىنىڭ تاعدىرلاس ورتاق تۇلعاسىن قۇرۋدى ۇزدىكسىز ىلگەرىلەتۋدى قالايدى.

تۇڭعىش كەزەكتى «جۇڭگو-لاتىن امەريكاسى جانە كارايب ەلدەرى عارىش سەلبەستىك تالقىسى» 4-ايدىڭ 24-كۇنى حۋبەيدىڭ ۋحان قالاسىندا اشىلدى، تالقىنى جۇڭگو مەملەكەتتىك عارىش مەكەمەسى مەن حۋبەي ولكەلىك حالىق ۇكىمەتى بىرگە وتكىزدى.