ءوز حابارىمىز. ۋكراينا مەملەكەت قورعانىس مينيسترلىگى اقپار توپتاۋ باس مەكەمەسى 4-ايدىڭ 19-كۇنى قوعامدىق قارىم-قاتىناس مەدياداعى كەسكىندە جانە مالىمدەمەدە بىلاي دەپ جاريالادى: سول كۇنى تاڭ سارىدە وسى مەكەمە ۋكراينا اۋە ارمياسىمەن سەلبەسىۋ ارقىلى رەسەي ارمياسىنىڭ تۋ-22 M3 تۇرپاتتى الىس ارالىقتى ستراتەگيالىق بومبىلاۋشى ايروپلانى اتىپ ءتۇسىرىلدى. رەسەي قورعانىس مينيسترلىگى بىلاي دەپ حابارلادى: رەسەي اۋە ارمياسىنىڭ تۋ-22 M3 تۇرپاتتى بومبىلاۋشى ايروپلانى سول كۇنى مىندەت ورىنداپ بولىپ بازاعا قايتىپ بارا جاتقان جولدا ستاۆروپول شەكارا رايونىندا قۇلاپ كۇيرەدى، ايروپلانداعى ەكى ادام قۇتقارىلىپ، ءبىر ادام ءولىپ، ءبىر ادام ءىز-توزسىز كەتتى. ايروپلاننىڭ قۇلاپ ءتۇسۋ سەبەبى باستاپقى قادامدا تەحنيكالىق كىنارات دەپ تۇراقتاندى. رەسەي جاق ۋكراينا جاقتىڭ ايتقانىنا جاۋاپ قايتارمادى.