ٴوز  حابارىمىز. ج ك پ ورتالىق كوميتەتىنىڭ بەكىتۋىمەن ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ كوميتەتى مەملەكەتتىك ساياسي كەڭەس جان سانى، بايلىق، ورتا كوميتەتىنىڭ بۇرىنعى ورىنباسار مەڭگەرۋشىسى، شانشي ولكەلىك ساياسي كەڭەس پارتيا باسشىلىق گرۋپپاسىنىڭ بۇرىنعى شۋجيى، بۇرىنعى ٴتوراعاسى حان يۇڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى. 

 

   تەكسەرۋ ارقىلى مىنالار انىقتالدى: حان يۇڭ مۇرات-سەنىمنەن اينىپ، اۋەلگى ماقسات پەن بورىشتان الشاقتاپ، ساياسي تانىمى سولعىنداپ، جاۋاپكەرشىلىك ارقالاۋعا باتىلدىق ەتە الماي، ساياسي الدامكوستەرمەن استاسىپ، ساياسي جالداپتىقپەن شۇعىلدانعان؛ ورتالىقتىڭ سەگىز ٴتۇرلى بەلگىلەمەسىنىڭ رۋحىنا قايشىلىق جاساپ، بەلگىلەمەگە قايشى تۇردە باسقالار جايعان قوناعاسىعا بارىپ، ساياحات قيمىلدارىنا قاتىناسقان؛ ۇيىمدىق پرينسيپكە قيعاشتىق جاساپ، جاقىندارىن قىزمەتكە ورنالاستىرىپ، پايدانى عانا كوزدەپ، ٴمانساپ ورنىن ساۋدالاعان؛ پاكتىك تومەنگى شەگىن بۇزىپ، بەلگىلەمەگە قايشى تۇردە تارتۋ-تارالعى، اقشا قابىلداپ، بەلگىلەمەگە قايشى تۇردە تومەن باعادا ٴۇي ساتىپ العان؛ ٴتارتىپ-زاڭ اتقارۋ قيمىلدارىنا بەلگىلەمەگە قايشى تۇردە كيلىككەن جانە قول سۇققان؛ وتباسى ستيلى دۇرىس ەمەس؛ جالپىلىق ۇقىقتى جەكە مۇددەسىن كوزدەيتىن قۇرال ەتىپ، ۇقىق-اقشا ساۋداسىنا بارىنشا بەرىلىپ، قىزمەت قولايلىلىعىنان پايدالانىپ باسقالاردىڭ كاسىپورىن تيجاراتى، كادرلاردى مىندەتكە قويۋ، قۇرىلىستى كوتەرەگە الۋ سياقتى جاقتاردا پايدا تابۋىنا مۇمكىندىك جاراتقان ٴارى زاڭسىز تۇردە قوماقتى مال-مۇلىك قابىلداعان. 

 

حان يۇڭ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، قىزمەت تارتىبىنە جانە تۇرمىس تارتىبىنە اۋىر دارەجەدە قايشىلىق جاساپ، قىزمەت مىندەتىندە زاڭعا اۋىر دارەجەدە قايشىلىق جاساعان ٴارى پارا الۋ قىلمىسىنا شاتىلعان، ونىڭ ۇستىنە پارتيا 18-قۇرىلتايىنان كەيىن دە تيىلماعان، قولىن تارتپاعان، سيپاتى اۋىر، ىقپالى جيركەنىشتى بولعان، ونى قاتاڭ ٴبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ٴتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ-تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىن اكىمشىلىك جاقتان ٴبىر جاقتى ەتۋ زاڭى» سياقتى قاتىستى بەلگىلەمەلەرگە ساي، ورتالىق ٴتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ جانە ج ك پ ورتالىق كوميتەتىنىڭ بەكىتۋى ارقىلى حان يۇڭعا پارتيادان ايداۋ جازاسىن بەرۋ، بەلگىلەمە بويىنشا ونىڭ يگىلىكتەنىپ جاتقان مامىلەسىن كۇشىنەن قالدىرۋ، تارتىپكە-زاڭعا قايشى تابىستارىن ٴمۇسادىرالاۋ؛ ونىڭ قىلمىسقا سايعان ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا تاپسىرىپ، قاتىستى مال-مۇلىكتەرىن بىرگە وتكىزىپ بەرۋ ۇيعارىلدى. 

 

اۋدارعان: امانتاي مۇسايىپ ۇلى