ءوز حابارىمىز. 135-كەزەكتى گۋاڭجوۋ جارمەنكەسىنىڭ 2-مەرزىمدىك قيمىلى 4-ايدىڭ 23-كۇنى باستالدى، سول كۇنى ساعات 17 گە دەيىن دۇنيە جۇزىندەگى 213 مەملەكەت پەن رايوننان كەلگەن ساۋداگەرلەردەن 156 مىڭ 927 ادام ناق مايداندا قيمىلعا قاتىناسىپ، الدىڭعى كەزەكتى ۇقساس مەزگىلدەگىدەن % 21.2 ارتتى.

 

وسى كەزەكتى گۋاڭجوۋ ساۋدا جارمەڭكەسىنىڭ 2-مەرزىمدىك قيمىلىنىڭ كورمە قۇرىلىمى اناعۇرلىم ساپالانىپ، كورمەگە قاتىناسۋشى كاسىپورىنداردىڭ ىشىندە مەملەكەت دارەجەلى جوعارى، جاڭا تەحنيكالى كاسىپورىندار، جاساۋ كاسىبىنىڭ جەكە تۇردەگى مايتالماندارى، ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان «شاعىن قۋاتتى» كاسىپورىندار سياقتى اتاقتارعا يە بولعان ەرەكشە كاسىپورىندار 1400دەن اسىپ، الدىڭعى كەزەكتەگىدەن 300دەن استام كاسىپورىن كوبەيدى.

 

برازيليالىق ساۋداگەر اننا البەرت بىلاي دەدى: ءبىز ۇنەمى جۇڭگوعا كەلىپ جاڭا ونىمدەردى ىزدەيمىز، ءار جولى گۋاڭجوۋ جارمەنكەسىنە كەلگەندە بۇل ارانىڭ ءتىپتى دە كاسىبي تۇرعىسىن، ءتىپتى دە كوپ كەرەمەت جوبالار بار ەكەنىن سەزىنەمىن، سوندىقتان مەن ءار جارىم جىلدا ءبىر رەت كەلىپ، جاريالانعان جاڭا ونىمدەرگە نازار اۋدارىپ، ارىپتەس ىزدەيمىن.

 

وسى كەزەكتى گۋاڭجوۋ جارمەنكەسىنىڭ 2-مەرزىمدىك يمپورت كورمەسىندە 30 مەملەكەت پەن رايوننان كەلگەن 220 كاسىپورىن كورمەگە قاتىناستى، «ءبىر بەلدەۋ، ءبىر جولدى» بىرگە قۇرۋشى مەملەكەت كاسىپورىندارىنىڭ جارقىن تۇيىندەرى ارت-ارتىنان جارىققا شىقتى، جالپى 144 كاسىپورىن كورمەگە قاتىناستى، بۇل شامامەن %65تى ۇستايدى.

 

ەگيپەتتىك ساۋداگەر امۋر مۇحاممەد سااد بىلاي دەدى: ءبىز سىرتقى كورىنىس جوباسى مەن باعا سالىستىرماسى جاعىندا باسەكەلىك قۋاتقا يە جاڭا ونىمدەردى الا كەلدىك، ءبىرىنشى كۇنى ءبىز ەۆروپا، ا ق ش، ورتا شىعىستان كەلگەن كوپتەگەن الارمانداردى قابىلدادىق. ءبىز گۋاڭجوۋ جارمەنكەسىندە ءتىپتى دە كوپ قاريدارلارمەن كەزدەسەتىندىگىمىزگە، سونىمەن بىرگە جۇڭگودان جاڭا سەلبەستىك سەرىكتەرىن تاباتىندىعىمىزعا سەنەمىز.

 

اۋدارعان: شالقار قازەز ۇلى