ەلىمىزدىڭ ءبىلىم مەنشىك ۇقىعىنىڭ جاسامپازدىق مولشەرى مەن ساپاسى جوعارىلاپ، قورعاۋ قىزمەتى اناعۇرلىم پارمەندى بولدى
来源:جۇڭگو قازاق راديو تورابى |责编：达吾力别克 | 发布日期: 2024-04-25 12:26
ءوز حابارىمىز. مەملەكەتتىك كەڭەستىڭ اقپارات كەڭسەسى 4-ايدىڭ 24-كۇنى اقپارات جاريالاۋ ءماجىلىسىن اشتى، مەملەكەتتىك ءبىلىم مەنشىك ۇقىعى مەكەمەسىنىڭ باستىعى شىن چاڭيۇي بىلاي دەدى: 2023-جىلى ەلىمىز ءبىلىم مەنشىك ۇقىعىندا قۇدىرەتتى ەل بولۋ قۇرىلىسىن جەدەل ىلگەرىلەتىپ، ءبىلىم مەنشىك ۇقىعىنىڭ جاسامپازدىق مولشەرى مەن ساپاسىن جوعارىلاتىپ، كاسىپورىنداردىڭ تاپقىرلىق پاتەنتىنىڭ كاسىپ سالالانۋ مولشەرىن تۇڭعىش رەت %50 تەن اسىرىپ، ءۇرتىس 5 جىل ارتتى.
2023 – جىلى ەلىمىز 921 مىڭ تاپقىرلىققا پاتەنت ۇقىعىن بەردى، بۇل بىلتىرعى ۇقساس مەزگىلىدەگىدەن %15.3 ارتتى. مەملەكەتتىك ءبىلىم مەنشىك ۇقىعى مەكەمەسىنىڭ باستىعى شىن چاڭيۇي بىلاي دەدى: دۇنيە جۇزىلىك ءبىلىم مەنشىك ۇقىعى ۇيىمى جاريالاعان « 2023-جىلعى الەمدىك جاڭالىق اشۋ كورسەتكىشى بايانداماسىندا» ەلىمىزدە بار دۇنيە جۇزىندەگى 100 ەگەي عىلىم-تەحنيكا شوعىرىنىڭ سانى 24 كە جەتىپ، تۇڭعىش رەت دۇنيە ءجۇزى بويىنشا 1-ورىنعا شىقتى.
قازىر مەملەكەتتىك ءبىلىم مەنشىك ۇقىعى مەكەمەسى كوپتەگەن تاراۋلارمەن بىرگە ءبىلىم مەنشىك ۇقىعىن قورعاۋ جۇيەسى قۇرىلىسى ينجەنەرياسىن اتقارۋ جوباسىن جەدەل جاساۋدا. شىن چاڭيۇي بىلاي دەدى: ۇقىققا قول سۇعۋ تولەمىنىڭ تومەن بولۋ ماسەلەسىنە مەڭزەس، مەملەكەت دەڭگەيىندەگى ارىز شاعىمدى قاراۋ مەحانيزمىن ىشكەرلەتىپ، ۇقىققا قول سۇعۋدى جازالاۋ سيپاتتى تولەم بەرۋ ءتۇزىمىن جاپپاي اتقارىپ، ۇقىققا قول سۇعۋدىڭ «سوماسىن ەسەپتەۋ» سياقتى تورەلىك ايتۋ ولشەمىن كەمەلدەندىرۋ كەرەك.
اۋدارعان: كۇلان ىرىسباي قىزى
