اۋداندىق پارتكومنىڭ ورىنباسار شۋجيى، حالىق ۇكىمەتىنىڭ اكىمى ادىلبەك ءابيدوللا ۇلى 20-كەزەكتى ورتالىق ءتارتىپ تەكسەرۋ كوميتەتى ءۇشىنشى جالپى ءماجىلىسىنىڭ، اۆتونوميالى رايوندىق ءتارتىپ تەكسەرۋ كوميتەتى 10-كەزەكتى ءتورتىنشى جالپى ءماجىلىسىنىڭ، ايماقتىق پارتيا ستيلى پاكتىك قۇرىلىسى جانە ءىرىپ-شىرۋگە قارسى تۇرۋ قىزمەتى ءماجىلىسىنىڭ رۋحىن جەتكىزدى. اۋداندىق پارتكومنىڭ تۇراقتى جوراسى، ءتارتىپ تەكسەرۋ كوميتەتىنىڭ شۋجيى، باقىلاۋ كوميتەتىنىڭ مەڭگەرۋشىسى گو جياڭنان ءماجىلىستى باسقاردى. ءارى بۋرىلتوعاي اۋداندىق ءتارتىپ تەكسەرۋ كوميتەتىنىڭ تۇراقتى كوميتەتى اتىنان قىزمەتتەن بايانداما جاسادى.

 

ءماجىلىس مىنالاردى اتاپ كورسەتتى: باس شۋجي شي جينپيڭنىڭ پارتيانىڭ وزىنە توڭكەرىس جاساۋ جونىندەگى ماڭىزدى يدەياسى بيىكتە تۇرىپ الىستى بولجاعان، كوز اياسى كەڭ، يدەياسى تەرەڭ، مازمۇنى باي، جاڭا ءداۋىر، جاڭا جورىقتا پارتيانى جاپپاي قاتاڭ جونگە سالۋدى، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتۋدىڭ ءتۇبىرلى بويسۇنۋ ولشەمى.

 

ءماجىلىس مىنالاردى اتاپ كورسەتتى: وتكەن ءبىر جىلدا بۇكىل اۋدانداعى ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ-تەكسەرۋ ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20-قۇرىلتايىنىڭ رۋحىن جاپپاي دايەكتىلەندىرىپ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن باتىل ارقالاپ، پارتيانى جاپپاي قاتاڭ جونگە سالۋدى ىلگەرىلەتۋگە ۇزدىكسىز كۇش سالىپ، ساياسي باقىلاۋ اناعۇرلىم دالمە ـ ءدال، ءونىمدى بولىپ، ستيلدى دۇرىستاپ، ءتارتىپتى قاتايتۋ اناعۇرلىم باياندى، پارمەندى بولىپ، پارتيالى كادرلار قوسىنىنىڭ اناعۇرلىم پاك، سەنىمدى بولىپ، پارتيالى كادرلاردى باسقارۋ ـ باقىلاۋدى اناعۇرلىم جان ـ جاقتى، ۇدايى جۇرگىزىپ، تۇتاس اۋداننىڭ ەكونوميكاسىنىڭ، قوعامىنىڭ جوعارى ساپالى دامۋىن پارمەندى قامتاماسىز ەتتى.

 

ءماجىلىس مىنالاردى باسا دارىپتەدى: 2024 ـ جىل-جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، «14 ـ بەسجىلدىق» جوبانىڭ نىسانا ـ مىندەتتەرىن جۇزەگە اسىرۋداعى شەشۋشى جىل. پارتيانى جاپپاي قاتاڭ جونگە سالۋدى ىلگەرىلەتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ويداعىداي ورىستەتۋدىڭ ماڭىزى زور، جاۋاپكەرشىلىگى اۋىر. ءار دارەجەلى پارتيا ۇيىمدارى مەن قالىڭ پارتيالى كادرلار پارتيانىڭ جاسامپاز نازارياسىمەن قاجىماي-تالماي رۋحتى سومداپ، ساياسي قابىلەتتى، باسشىلىق قابىلەتتى ۇزدىكسىز جوعارىلاتۋ؛ ساياسي باقىلاۋدى دالمە-ءدال، پارمەندى ورىستەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن باتىل دايەكتىلەندىرۋ، تياناقتاندىرۋ؛ ۇستىنەن وڭاۋ مەن تۇبىرىنەن وڭاۋدى ۇشتاستىرۋدى تەرەڭدەتۋ؛ جۇيەلى شارا قولدانىپ، ءىرىپ-ءشىرۋدىڭ ءوسىپ-ونەتىن توپىراعى مەن شارت-جاعدايىن باتىل الاستاپ، تۇزىمدىك ساڭلاۋلاردى بىتەۋگە تاباندى بولىپ، رەفورمانى تەرەڭدەتىپ، شىرىكتەسۋدىڭ ۇلعايۋىن توسۋ؛ بىرلەسىپ جازالاپ ساقتاندىرۋ مەحانيزمىن كەمەلدەندىرىپ، پارا بەرۋ ارەكەتىن جازالاۋ تەبىنىن ارتتىرۋ؛ «ءتورت بۇرىس ستيلدى» شەگە قاعۋ رۋحىمەن تۇزەتىپ، جاڭا سالت ورناتىپ، ورتالىقتىڭ «8 ءتۇرلى بەلگىلەمەسىنىڭ» رۋحىن دايەكتىلەندىرەتىن توسپالاردى ۇزدىكسىز بەكەمدەپ، پاكتىك مادەنيەت قۇرىلىسىن ۇزدىكسىز كۇشەيتىپ، كادرلاردىڭ ءىرىپ-شىرۋدەن، ازعىنداۋدان ساقتانۋ قابىلەتىن كۇشەيتۋ كەرەك.

 

ءماجىلىس مىنالاردى تالاپ ەتتى: ءار دارەجەلى پارتيا ۇيىمدارى مەن ءتارتىپ تەكسەرۋ، باقىلاۋ ـ تەكسەرۋ ورگاندارى باستان ـ اياق وزىنە توڭكەرىس جاساۋ سەرگەكتىگى مەن تاباندىلىعىن ساقتاپ، بورىشتى ادالدىقپەن اتقارىپ، جاۋاپكەرشىلىك ارقالاۋدى كۇشەيتىپ، جاڭا داۋىردە پارتيانى جاپپاي قاتاڭ جونگە سالۋدىڭ، پارتيا ستيلى، پاكتىك قۇرىلىسىنىڭ جانە شىرىكتەسۋگە قارسى تۇرۋ كۇرەسىنىڭ جاڭا جاعدايىن ۇزدىكسىز اشۋ كەرەك. ءار دارەجەلى پارتكومدار، پارتيا باسشىلىق گرۋپپالارى تۇلعالىق جاۋاپكەرشىلىگىن شىن مانىندە اتقارىپ، پارتكومداردىڭ، پارتيا باسشىلىق گرۋپپاسىنىڭ «پارتيانى جاپپاي قاتاڭ جونگە سالۋ سۋبيەكتتىك جاۋاپكەرشىلىگىن تياناقتاندىرۋ بەلگىلەمەسىن» قاتاڭ تياناقتاندىرۋ؛ تاربيەلەۋ، جونگە سالۋ جەتىستىكتەرىن بەكەمدەپ، پارتياعا باستان ـ اياق ابسوليۋتتى ادال، ابسوليۋتتى سەنىمدى، ابسوليۋتتى پاك بولىپ، پارتيا ورتالىق كوميتەتىن شىن مانىندە الاڭسىز ەتىپ، حالىق بۇقاراسىن رازى ەتىپ، جۇڭگوشا وسىزاماندانعان باقىتتى، تاماشا جاڭا بۋرىلتوعاي قۇرۋدى پارمەندى كەپىلمەن قامداۋ كەرەك

 

اۋدان ءتورت باسشىلىق القاسىنىڭ مۇشەلەرى، حالىق سوتى مەن حالىق پروكۋراتۋراسىنىڭ، اۋداندىق ءتارتىپ تەكسەرۋ كوميتەتىنىڭ مۇشەلەرى، اۋداندىق پارتكومنىڭ ءارقايسى بولىمدەرىنىڭ، كوميتەتتەرىنىڭ، كەڭسەلەرىنىڭ، مەكەمەلەرىنىڭ، حالىقتىق ۇيىمداردىڭ، كاسىپورىن، ءىسورىنداردىڭ، اۋداندا تۇراتىن ورىنداردىڭ نەگىزگى جاۋاپتىلارى نەگىزگى 

ءماجىلىس مايدانىندا جانە بولىمشە ءماجىلىس مايدانىندا ماجىلىسكە قاتىناستى.