ۇلۋ جىلدى قارسى الام. 

استىقتان الىپ مول ءونىم، 

شاتتىققا شومسىن بارشا ادام» اتىنداعى 2024-جىلعى كوكتەم مەرەكەسى ادەبيەت-كوركەمونەر ساۋىق كەشى بۋرىلتوعاي اۋدانى داچيڭ الاڭىنىڭ كونسەرت زالىندا وتكىزىلدى. اۋداندىق پارتكومنىڭ شۋجيى ليۋ دىيۇڭ، اۋداندىق پارتكومنىڭ ورىنباسار شۋجيى، حالىق ۇكىمەتىنىڭ اكىمى ادىلبەك ءابيدوللا ۇلى قاتارلى اۋدان ءتورت باسشىلىق القاسىنىڭ مۇشەلەرى، دەمالىسقا شىققان قارت كادرلاردىڭ ۋاكىلدەرى، سونداي ـ اق، مىڭعا جۋىق كورەرمەن ءلاززات الىپ، قويۋ مەرەكەلىك تۇسكە بولەندى.

 

ساۋىق كەش «كوكتەم مەرەكەسىن تويلايمىز» اتتى بيمەن شىمىلدىعىن اشىپ، مايداندى قىزۋ دۋمانعا بولەدى. كومەديا، ءان ـ ءبي، مۋزىكا قاتارلى 17 تارتىمدى كونسەرت ءنومىرى ىركەس ـ تىركەس قويىلىپ، بۋرىلتوعاي اۋدانىنداعى ءار ۇلت بۇقاراسىنىڭ كوكتەم مەرەكەسىن شات ـ شادىمان وتكىزىپ، باقىتتى باس قوسۋداعى قويۋ مەرەكەلىك ەرەكشەلىگىن، ىشكى قۋانىشىن بەينەلەپ، كوركەم بولاشاققا كوز جىبەرىپ، ەكپىندەي ىلگەرىلەۋدىڭ كۇش ـ قۋاتىن اناعۇرلىم ۇيىستىردى. بۋرىلتوعاي قالاشىعى جيانبەي جولى الەۋمەتتىك اۋماعىنىڭ تۇرعىنى جياڭ يۇيحۋا بىلاي دەدى: بيىل بۋرىلتوعاي اۋدانى كوكتەم مەرەكەسىنە ارنالعان ساۋىق كەشتى وتە جاقسى وتكىزدى، وتە تاماشا ەكەن. بارلىعى ءبىز ۇناتاتىن نومىرلەر، وتە جاقسى بولدى، كوپشىلىكتىڭ قۋانىشى قوينىنا سيمادى، بۋرىلتوعاي اۋدانىنىڭ كوكتەم مەرەكەسىنە ارنالعان ساۋىق كەشىنىڭ بارعان سايىن جاقسى وتكىزىلۋىن ءۇمىت ەتەمىن.

 

الۋان ءتۇرلى ءان-ءبي نومىرلەرىنەن سىرت، حىنان تەاترى، سىچۋان تەاترى، بەت قۇبىلتۋ ونەرى قاتارلىلار دا بۋرىلتوعايدىڭ بيىلعى كوكتەم مەرەكەسى ساۋىق كەشىنىڭ ساحىناسىنا شىعىپ، بۇقارا ۇناتاتىن ءداستۇرلى ادەبيەت كوركەمونەر بەينەلەۋ نۇسقاسى جانە وسىزامان ويىن قويۋ ونەرىن ورگانيكالى بىرىكتىرىپ، بۋرىلتوعاي اۋدانىنداعى قالىڭ كادرلار مەن بۇقارانىڭ جاڭالىق اشىپ، ناقتى ءىس ىستەگەن رۋحاني بەت-بەينەسى مەن دامۋ جەتىستىكتەرىن ايگىلەپ، تۇتاس اۋدان حالقىن جۇڭگوشا وسىزاماندانعان شينجياڭ امالياتىن ىلگەرىلەتۋ بارىسىندا بۋرىلتوعاي اۋدانىنىڭ جاۋاپكەرشىلىگىن ايگىلەپ، بۋرىلتوعاي اۋدانىنىڭ ۇلەسىن قوسۋعا جۇمىلدىردى. بۇقارا ءارتيسى جاۋ شيا بىلاي دەدى: ءبىز ءبىر ايدان استام ۋاقىت جاتتىعۋ جاساپ، حىنان تەاترىنىڭ مادەنيەت جاۋھارىن بۋرىلتوعاي اۋدانىنىڭ ساحناسىنا الا كەلدىك، بۋرىلتوعاي اۋدانىنداعى قالىڭ دوستاردىڭ ۇناتۋىن ءۇمىت ەتەمىن، بۇدان كەيىن ءتىپتى دە قۇلشىنىپ، تەاتردى بۇقاراعا جەتكىزىپ، بۇقاراعا تەاتر مادەنيەتىمىزدى سەزىندىرەمىز. 

 

بۋرىلتوعاي حيكاياسىن جاقسى بايانداپ، بۋرىلتوعاي ءۇنىن تاراتىپ، قالىڭ بۇقارانى «مادەنيەت جىلىنان» ءلاززاتتاندىرۋ ءۇشىن، وسى رەت بۋرىلتوعاي اۋدانىنىڭ 2024-جىلعى كوكتەم مەرەكەسى ساۋىق كەشى بۋرىلتوعاي اۋدانى توعىسپالى مەديا ورتالىعىنىڭ رەسمي دوۋيىن ءنومىرى، بەينە ەكران ءنومىرى، راديو-تەلەۆيزيا بۇلتى قاتارلى جاڭا اقپارات قۇرالدارى تەكشەلەرى ارقىلى ءبىر ۋاقىتتا تىكە تاراتىلىپ، جالپى كورەرمەن سانى 60 مىڭ ادام رەتتەن استى. بۋرىلتوعاي اۋداندىق مادەنيەت دەنە تاربيە راديو – تەلەۆيزيا جانە ساياحات مەكەمەسىنىڭ باستىعى بەردىبەك التىنبەك ۇلى بىلاي دەدى: وسى تاڭداۋلى ادەبيەت-كوركەمونەر تۋىندىلارى ارقىلى حالىقتىڭ كوكتەم مەرەكەسىنە ارنالعان ساۋىق كەشىن شىن شىن مانىندە جۇزەگە اسىرىپ، ءار ۇلت بۇقاراسىنىڭ پارتيانى، وتاندى جىرلاۋىنا مۇمكىندىك جاساپ، كوركەم دە باقىتتى تۇرمىسىمىزدى ايگىلەدىك.