وسى رەتكى تاربيەلەۋدى بۋرىلتوعاي اۋداندىق مادەنيەت دەنە تاربيە راديو-تەلەۆيزيا جانە ساياحات مەكەمەسى ۇيىمداستىرىپ، نەگىزىنەن مادەنيەت، ساياحات سالاسىندا ورىن تەۋىپ وتىرعان ءتۇرلى حاۋىپسىز ءوندىرىس كومەسكى قاتەرى، سونداي – اق، ءورت اپاتىنان، جەر سىلكىنىسىنەن قالاي ساقتانۋ سياقتى حاۋىپسىزدىك ساۋاتتارى جونىندە ەگجەي-تەگجەيلى تۇسىنىك جاسادى. بۋرىلتوعاي اۋدانى جى لى جياۋ يۇي مەكتەپ سىرتىنداعى تاربيەلەۋ قۇرىلىمىنىڭ جاۋاپتىسى حۋاڭ في بىلاي دەدى: قايتىپ بارعاننان كەيىن، ساقتالعان ماسەلەلەردى تاۋىپ، تەكسەرىپ، تۇزەتۋدى ورىستەتەمىز. ناق مايداندا ساقتالعان ماسەلەلەر مەن ولقىلىقتاردى تەكسەرىپ، تالاپ بويىنشا رەتتەپ ـ تۇزەتەمىز. بۇدان كەيىن ءبىز ءوندىرىس حاۋىپسىزدىگىن ەڭ ماڭىزدى ءتۇيىن ەتەمىز.

 

مادەنيەت، ساياحات سالاسى − سوتسياليستىك وزىق مادەنيەتتى تاراتاتىن، قوعام ورنىقتىلىعىن قورعايتىن ماڭىزدى شەپ. 2024 ـ جىلدان بەرى، بۋرىلتوعاي اۋدانى استە قورعاشتاماۋ، استە جۇمساق قولدىلىق ىستەمەۋ قىزمەت تالابىن باتىل دايەكتىلەندىرىپ، مادەنيەت جانە ساياحات حاۋىپسىزدىگىن قامتاماسىز ەتۋ جۇيەسى قۇرىلىسىن كۇشەيتىپ، كومەسكى قاتەردى الاستاۋ ۇستانىمىن ورناتىپ، كومەسكى قاتەرلەردى ءبىر ـ بىرلەپ تەكسەرۋ، رەتتەۋ ـ تۇزەتۋ، حاۋىپ ـ قاتەردەن ساقتانۋ، ساقتاندىرۋ، توسىن وقيعالاردى ءبىر جايلى ەتۋ قاتارلى ساقتانۋ ـ تىزگىندەۋ جۇيەسىن اقاۋسىزداندىرىپ، حاۋىپسىزدىك كومەسكى قاتەرىن تەكسەرۋدى ىشكەرىلەي ورىستەتىپ، ءتۇرلى قىزمەتتەردى شىنايى تياناقتاندىردى. بۋرىلتوعاي اۋداندىق مادەنيەت دەنە تاربيە راديو – تەلەۆيزيا جانە ساياحات مەكەمەسى مادەنيەت بازارى جالپىلىق زاڭ اتقارۋ اترەتىنىڭ جاۋاپتىسى جىگەر شوشان ۇلى بىلاي دەدى: ءبىز بىرەۋى ارقىلى وزگەسىن تۇسپالداپ، ورىنداردىڭ ءورت ءسوندىرۋ، ورتتەن ساقتانۋ حاۋىپسىزدىگىن ويداعىداي ىستەپ، كومەسكى قاتەرلەردى ءبىر ـ بىرلەپ تەكسەرىپ، ساقتالعان ماسەلەلەردى ويداعىداي رەتتەپ ـ تۇزەتەمىز.