شي جينپيڭ مەن تانزانيانىڭ زۇڭتۇڭى حاسەن جۇڭگو مەن تانزانيانىڭ ديپلوماتيالىق قاتىناس ورناتقاندىعىنىڭ 60 جىلدىعى بايلانىسىمەن ءوزارا قۇتتىقتاۋ تەلەگرامما جولدادى

ء وز حابارىمىز. 4-ايدىڭ 26-كۇنى مەملەكەت ءتوراعاسى شي جينپيڭ مەن تانزانيانىڭ زۇڭتۇڭى حاسەن ءوزارا تەلەگرامما جولداپ، ەكى ەل ديپلوماتيالىق قاتىناس ورناتقاندىعىنىڭ 60 جىلدىعىن قۇتتىقتادى.

شي جينپيڭ بىلاي دەپ انىق ايتتى: جۇڭگو مەن تانزانيانىڭ ءداستۇرلى دوستىعىن ەكى ەلدىڭ اعا بۋىن باسشىلارى تۇلعالاعان. ديپلوماتيالىق قاتىناس ورناتقان 60 جىلدان بەرى، جۇڭگو-تانزانيا قاتىناسى حالىقارالىق اۋمالى-توكپەلى وزگەرىستەردىڭ سىنىنان ءوتىپ، ۋاقىت كەرۋەنىندە بەكەمدەلە ءتۇستى. سوڭعى جىلدارى ەكى ەلدىڭ ساياسي ءوزارا سەنىمدىلىگى ۇزدىكسىز بەكەمدەلىپ، ءار سالاداعى سەلبەستىك جەتىستىكتەرى وڭتۇستىكتەگىلەر سەلبەستىگىنىڭ ۇلگىسىنە اينالدى. جاڭا تاريحي باستامادا مەن زۇڭتۇڭ حانىممەن بىرلىكتە قۇلشىنىپ، جۇڭگو مەن تانزانيانىڭ ءداستۇرلى دوستىعىن جالعاستىرىپ، جۇڭگو مەن تانزانيانىڭ دامۋ، گۇلدەنۋ ورتاق ارمانى مەن «ءبىر بەلدەۋ، ءبىر جولدى» ورتاق قۇرۋ ايبىندى كارتيناسىن رەالدىققا اينالدىرۋدى، ەكى ەلدىڭ جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ مازمۇنىن ۇزدىكسىز بايىتىپ، جوعارى دەڭگەيدەگى جۇڭگو-افريكا تاعدىرلاس ورتاق تۇلعاسىن قۇرۋعا اناعۇرلىم زور ۇلەس قوسۋدى قالايمىن.

حاسەن بىلاي دەدى: تانزانيا مەن جۇڭگو ديپلوماتيالىق قاتىناس ورناتقان 60 جىلدان بەرى، ەكى ەلدىڭ ىنتىماعى، دوستىعى جانە شىنايى سەلبەستىگى ۇزدىكسىز تەرەڭدەپ، ەكى جاقتىڭ يەلىك ۇقىق پەن تەرريتوريا تۇتاستىعىنا ءوزارا قۇرمەت ەتىپ، ەكى جاقتى، كوپ جاقتى ىستەردە ءبىرىن-ءبىرى قولدادى. تانزانيا جۇڭگونىڭ ءداۋىر بولگىش ەكونوميكالىق، قوعامدىق دامۋ تابىستارىن جۇزەگە اسىرعاندىعىنا سۇيىنەدى، جۇڭگونىڭ دامۋ سالاسىندا كورسەتكەن قولداۋىنا العىس ايتادى، «ءبىر بەلدەۋ، ءبىر جولدى» ورتاق قۇرۋ دارىپتەمەسى، الەمدىك دامۋ دارىپتەمەسى سياقتى كەلەلى دارىپتەمەلەردى تاباندىلىقپەن قولداپ، تانزانيا مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قاتىناسىن كۇشەيتۋگە كۇش سالادى.