رەسەي بۇكىل ەل بويىنشا تەررورلىق شابۋىلداۋ ۋاقيعاسىندا قازا بولعاندارعا ازا تۇتتى
来源:جۇڭگو قازاق راديو تورابى |责编：达吾力别克 | 发布日期: 2024-03-25 15:36
ءوز حابارىمىز. 3-ايدىڭ 24-كۇنى رەسەيدىڭ مەملەكەتتىك ازا تۇتۋ كۇنى. رەسەي حالقى كوپ ءتۇرلى تاسىلدەر ارقىلى وسى ايدىڭ 22-كۇنى كەشتە موسكۆا قالاسى ماڭىنداعى مۋزيكا زالىندا تۋىلعان اۋىر تەررورلىق شابۋىلداۋ ۋاقيعاسىندا قازا بولعاندارعا ازا ءبىلدىردى. رەسەي بارلاۋ كوميتەتىنىڭ وسى ايدىڭ 24 كۇنى جاريالاعان ەڭ جاڭا ساندى مالىمەتىندە كورسەتىلۋىنشە، تەررورلىق شابۋىلداۋ ۋاقيعاسىندا 3 بالانى قامتىعان 137 ادام قازا بولعان. حابار جولدانعانعا دەيىن، مۋزيكا زالىنداعى تەررورلىق شابۋىلدا قازا بولعان 68 ادامنىڭ سالاۋاتى تۇراقتاندىرىلدى. موسكۆا وبىلىسىنىڭ دەنساۋلىق ساقتاۋ تاراۋى جاريالاعان ەڭ جاڭا ساندى مالىمەتكە قاراعاندا، وسى رەتكى تەررورلىق شابۋىلداۋ ۋاقيعاسىندا 182 ادام جارالانعان.
بۇدان سىرت، رەسەي بارلاۋ كوميتەتى جاريالاعان حابارعا قاراعاندا، شابۋىل ناق مايدانىندا قاسكويلەردىڭ ىستەتكەن قارۋ-جاراق، وق-دارىلەرى بايقالعان، 500 دەن استام وق، 28 وق قورابى جانە 2 كاراشنيكوۆ مىلتىعى سياقتىلار بار ەكەن، دەنەگە تاڭاتىن بومبى نەمەسە مينا بايقالماعان.
رەسەيدىڭ موسكۆا قالاسى باسمان رايوندىق سوت مەكەمەسى تەررورلىق شابۋىلعا تىكە قاتىناسۋ كۇمانى بار 4 ادامدى قولعا الۋدى بەكىتتى. وسى 4 ادام 5-ايدىڭ 22-كۇنىنە دەيىن قامالادى. وسى بارىستا دەلو ىشكەرىلەي تەكسەرىلەدى.
رەسەي حاۋىپسىزدىك كەڭەسىنىڭ ورىنباسار ءتوراعاسى مەدۆەدەوۆ 3-ايدىڭ 24-كۇنى بىلاي دەدى: وسى ايدىڭ 22-كۇنگى تەررورلىق شابۋىلداۋ ۋاقيعاسىنا قاتىستى ادامدار مەيلى قايسى ەلدىكى جانە سالاۋاتى قانداي بولسادا رەسەيدىڭ زاڭدى سوققى بەرۋ نىساناسىنا اينالادى.
اۋدارعان: امانتاي مۇسايىپ ۇلى
