ءوز حابارىمىز. يران ءىسلام توڭكەرىستىك قورعانىس قوسىنى جەرلىك ۋاقىت 4-ايدىڭ 14-كۇنى مالىمدەمە جاريالاپ بىلاي دەدى: يزرايلدىڭ قىلمىسىتى ارەكەتتەرىنەن كەك الۋ ءۇشىن ، جۇيەدەن يراننىڭ سيريادا تۇراتىن ەلشىلىگىنىڭ كونسۋل ورنىنا شابۋىل جاساپ، كوپتەگەن اسكەري قىزمەتكەرلەردىڭ ولۋىنە سەبەپشى بولعان قىلمىستى ارەكەتىنە قاراتا يران ءىسلام توڭكەرىستىك قورعانىس قوسىنى اۆياتسيا-عارىش اسكەري ءبولىمى نەشە ونداعان ۇشقىشسىز ۇشاق جانە باسقارىلمالى بومبىمەن يزرايلدىڭ كەيبىر نىسانالارىنا سوققى بەرۋ ارەكەتىن ورىستەتتى.

 

وسى رەتكى ارەكەتتىڭ جاي-جاپسارى يران قارۋلى كۇشتەرى باس شتابىنىڭ باقىلاۋىندا بولدى ءارى يراننىڭ ەڭ جوعارى حاۋىپسىزدىك كوميتەتىنىڭ بەكىتۋىنە يە بولدى، سونىمەن بىرگە بۇعان يران مەملەكەت قورعانىس مينيسترلىگى، يران ارمياسى سايكەستى. بۇدان باسقا ، يران يزرايلداعى نساناعا العاشقى توپتاعى وق جولىندىق باسقارىلمالى بومبىنى اتتى. يراننىڭ مەملەكەت قورعانىس مينيسترى 4-ايدىڭ 14-كۇنى تۇندە: يزرايلدىڭ يراندى شابۋىلداۋىنا اۋە كەڭىستىگىن نەمەسە تەريتورياسىن اشىق ۇستاعان ءارقانداي مەملەكەت يراننىڭ پارمەندى شابۋىلىنا ۇشىرايتىن بولادى دەدى.

 

 يزرايل زۇڭلي كەڭسەسى 4-ايدىڭ 14-كۇنى : زۇڭلي نيتانياحۋ تەل-اۆيوۆتاعى كيريات اسكەري باس شتابىندا سوعىس كەزىندەگى بيلىك كەڭسە ءماجىلىسىن اشتى دەدى . يزرايل مەملەكەت قورعانىس ارمياسى 4-ايدىڭ 13-كۇنى كەشتە قورعانىس جانە شابۋىل دايىندىعىن جاساپ بولعاندىعىن ايتتى . يزرايل اۋەجاي باسقارۋ مەكەمەسى 4-ايدىڭ 13-كۇنى بىلاي دەدى، يزرايل اۋە كەڭىستىگى يراننىڭ شابۋىلىنا ۇشىراعاندىقتان جەرلىك ۋاقىت 4-ايدىڭ 14-كۇنى ساعات نولدەن 30 مينوت وتكەندە جابىلادى.

 

 يەمەن 4-ايدىڭ 13-كۇنى يزرايلعا ۇشقىشسىز ۇشاقپەن شابۋىل جاسادى . يراقتىڭ شيە توبى حالىق جاساقتارى ۇيىمى «حالىقتىق جۇمىلدىرۋ ۇيىمىنا» قاراستى اقپارات قۇرالدارىنىڭ حابارىنا قاراعاندا، 100 دەن استام ۇشقىشسىز ۇشاق يراقتان ۇشىرىلىپ، يوردانيا كەڭىستىگىنەن ءوتىپ يزرايلدى بومبىلاعان. اق ش اق سارايى 4-ايدىڭ 13-كۇنى مالىمدەمە جاريالاپ ، يران يزرايلعا اۋە شابۋىلىن باستادى، بۇل ءبىرقانشا ساعاتقا جالعاسۋى مۇمكىن دەدى .

 

ا ق ش زۇڭتۇڭى بايدەننىڭ مەملەكەت حاۋىپسىزدىگى ۇيىرمەسى يزرايل مانساپتىلارىمەن جانە باسقا دا سەلبەستىك سەرىكتەرىمەن ، وداقتاستارىمەن ۇزدىكسىز بايلانىس جاسايدى ءارى بايدەنگە مەرزىم بويىنشا ەڭ جاڭا جاعدايدى حابارلاندىرادى. بايدەن بىلاي دەدى: ا ق ش يزرايلدىڭ حاۋىپسىزدىگىن باتىل قولداپ، يراننان تونگەن حاۋىپ-قاتەرگە توتەپ بەرۋىنە كومەكتەسەدى. يراننىڭ سىرتقى ىستەر مينيسترى ابدۇلاشيان 4-ايدىڭ 13-كۇنى كەشتە يران ا ق ش-نا قاجەتتى ەسكەرتۋ بەرىپ، ەگەر ا ق ش يزرايل مەن يران اراسىنداعى تالاس-تارتىسقا كيلىكسە، ورتا شىعىس رايونىنداعى ا ق ش ارمياسى سوققىعا ۇشىرايدى دەدى. قازىرگە دەيىن ورتا شىعىستاعى كوپتەگەن ەلدەر اۋە كەڭىستىگىن ۋاقىتشا جاپتى. 

 

اۋدارعان: كۇلان ىرىسباي قىزى