ءوز حابارىمىز. يزرايل ارمياسى 4-ايدىڭ 14-كۇنى يراننان اتىلعان باسقارىلمالى بومبىنىڭ يزرايل تەريتورياسىن ويرانداۋ جاعدايىن جاريالادى. كەسكىن مازمۇنىنا نەگىزدەلگەندە، يزرايلدىڭ وڭتۇستىگىندەگى نەۆاتيم اۋە ارميا بازاسى يراننىڭ وق جولىندىق باسقارىلمالى بومبىسىنىڭ شابۋىلىنا ۇشىراپ، بەلگىلى دارەجەدە ويراندالعان، يزرايل ارمياسى: بۇل اۋە ارميا بازاسى قازىر قالىپتى پايدالانىلۋدا، -دەدى.

 

 يراننىڭ ەڭ جوعارى مەملەكەت حاۋىپسىزدىگى كوميتەتى 4-ايدىڭ 14-كۇنى كەشتە يراننىڭ يزرايلعا جۇرگىزگەن اسكەري ارەكەتى جونىندە مالىمدەمە جاريالادى. مالىمدەمەدە بىلاي دەلىندى: يزرايل «ب م ۇ ەرەجەسىنىڭ» 2-تارماعىنا قايشىلىق جاساعاندىقتان، يران ءىسلام توڭكەرىستىك قورعاۋشىلار اترەتى يزرايلعا كەڭ كولەمدى باسقارىلمالى بومبىمەن جانە ۇشقىشسىز ۇشاقپەن شابۋىل جاسادى. يران قارۋلى قوسىنى «ب م ۇ ەرەجەسىنىڭ» 51-تارماعىنا نەگىزدەلىپ وسى اسكەري ارەكەتتى ورىستەتتى. بۇل كەزەكتى ارەكەتتە يران يزرايل اۋە ارمياسىنا، اقپار توپتاۋ ورگاندارىنا جانە اسكەري بازالارعا عانا سوققى بەرىپ، يزرايلدىڭ ەكونوميكالىق جانە نەگىزدىك جابدىقتارىنا شابۋىل جاساۋدان ساقتاندى. قازىر يراندا اسكەري قيمىل ورىستەتۋ جوسپارى جوق.

 يراننىڭ سىرتقى ىستەر مينيسترى بىلاي دەدى: يران قارۋلى قوسىنى يزرايل ارمياسىنىڭ F-35 سوعىس ۇشاعى ورنالاسقان ءبىر اسكەري بازاسىنا شابۋىل جاسادى، وسى ايدىڭ باسىندا يراننىڭ سيرياداعى باس ەلشىحاناسىنىڭ كونسۋل تاراۋلارىنا جاسالعان شابۋىل وسى ارادان باستالعان. يراننىڭ وسى رەتكى ارەكەت نىساناسى يزرايلدىڭ اقپار توپتاۋ ورتالىعىن دا قامتيدى، بۇل اقپار توپتاۋ ورتالىعى وتكەن 6 ايدان بەرى بارلىق قيمىلعا قولباسشىلىق ەتىپ كەلەدى، جۇيەدەن تاياۋدا يراننىڭ سيرياداعى ەلشىحاناسىنا شابۋىل جاساۋ قيمىلىنا دا قولباسشىلىق جاسادى.

 

 يراننىڭ زۇڭتۇڭى رايسي 4-ايدىڭ 14-كۇنى بىلاي دەدى: يراننىڭ اسكەري ارەكەتى يزرايلدىڭ «شاپقىنشىلىعىنا» قايتارعان جاۋاپ، يران مەملەكەت مۇددەسىنە زيان جەتكىزەتىن ءارقانداي ارەكەتكە مۇنان دا قاتاڭ اڭىس قايتارادى. يزرايلدىڭ سوعىس كەزىندەگى بيلىك كەڭسەسىنىڭ مۇشەسى گانتس: يزرايل «ۇيلەسىمدى ۋاقىتتا» يراننان ءوش الادى، -دەدى. 4-ايدىڭ 14-كۇنگى سوعىس كەزىندەگى بيلىك كەڭسەسىنىڭ حاۋىپسىزدىك ماجىلىسىندە يراننىڭ شابۋىلداۋىنا قاتىستى ىستەر جونىندە شەشىم جاسالمادى.

 

 ب م ۇ حاۋىپسىزدىك القالار كەڭەسى بەيجيڭ ۋاقىتى 4-ايدىڭ 15-كۇنى تاڭەرتەڭ ەرەكشە ءماجىلىس اشىپ، ورتا شىعىس رايونىنداعى ەڭ جاڭا جاعداي جونىندە شۇعىل ءماجىلىس وتكىزدى، ب م ۇ-نىڭ باس حاتشىسى گۋتتەرەس ماجىلىسكە قاتىناستى ءارى حابارلاندىرۋ شىعاردى، ول يزرايل مەن يراندى جاۋلاسۋ ارەكەتىن دەرەۋ دوعارۋعا تاعى دا ۇندەدى.

 

 يزرايل حاۋىپسىزدىك القالار كەڭەسىندە يراننىڭ ب م ۇ ەرەجەسىنە، حاۋىپسىزدىك كەڭەسىنىڭ قاۋلىسىنا قايشىلىق ىستەگەندىگىن جانە تىنشتىق پەن ورنىقتىلىققا قاتەر توندىرگەندىگىن ايىپتاۋدى ءۇمىت ەتتى، بۇدان سىرت، يران يسىلام توڭكەرىستىك قورعاۋشىلار اترەتىن دەرەۋ تەررورلىق ۇيىم قاتارىنا ەنگىزۋدى تالاپ ەتتى. حاۋىپسىزدىك القالار كەڭەسىنىڭ مالىمدەمەسى مەن قاۋلىسىنىڭ دارەجەسى ۇقساماعانىمەن، ەرەجەسى ۇقساستاۋ، مالىمدەمەنى حاۋىپسىزدىك القالار كەڭەسىنىڭ مۇشەلەرى، اسىرەسە، تۇراقتى القا ەلدەر ماقۇلداعاندا عانا كۇشكە يە بولادى. ال تەررورلىق ۇيىم قاتارىنا ەنگىزۋ دە حاۋىپسىزدىك القالار كەڭەسىنىڭ ۇقىق كولەمىنە جاتادى، ءبىراق ۇزاق ۋاقىت قاجەت، يزرايلدىڭ ەكى تالابىن حاۋىپسىزدىك القالار كەڭەسىندە جۇزەگە اسىرۋ قيىن دەپ قارالۋدا.

 

 يران 4-ايدىڭ 13-كۇنى حاۋىپسىزدىك القالار كەڭەسىنىڭ ءتوراعاسى مەن باس حاتشى گۋتتەرەسكە حات جولداپ، يراننىڭ ارەكەتى «ب م ۇ ەرەجەسىنىڭ» 51-تارماعىنداعى ءوزىن قورعاۋ ۇقىعى ەكەندىگىن ءارى يراننىڭ ۋستاۆتىڭ نەگىزگى ماقساتى مەن پرينسيپىنە قۇرمەت ەتىپ، شۇعىل جاعدايدى ۋشىقتىرۋدى ويلاستىرمايتىندىعىن قايتالاي دارىپتەدى.

 

 جۇڭگو سىرتقى ىستەر مينيسترلىگىنىڭ مالىمدەمەشىسى بىلاي دەدى: بۇل رەتكى جاعدايدىڭ ۋشىعۋى گازا قاقتىعىسىنىڭ سىرتقا ىقپال جاساۋىنىڭ ەڭ جاڭا بەينەسى. جۇڭگو كەزەكتەگى جاعدايدىڭ ۋشىعۋىنا ەرەكشە نازار اۋدارادى، قاتىستى جاقتاردى سابىرلى، ۇستامدى بولىپ، شۇعىل جاعدايدى اسقىندىرماۋعا ۇندەيدى. رەسەي، فرانسيا، يوردانيا قاتارلى ەلدەر مەن حالىقارالىق ۇيىمدار دا قاتىستى جاقتاردى سابىرلى بولۋعا ۇندەدى. ا ق ش-نىڭ قورعانىس مينيسترى 4-ايدىڭ 14-كۇنى: ا ق ش يرانمەن قاقتىعىسۋدى قالامايدى، -دەدى. 

 

اۋدارعان: گۇلنۇر قابىلقاق قىزى