ۋكراينا 9 ەلمەن ەكى جاقتى حاۋىپسىزدىك كەلىسىمىنە قول قويدى
来源:جۇڭگو قازاق راديو تورابى |责编:达吾力别克 | 发布日期: 2024-04-16 17:11
ءوز حابارىمىز. رەسەي مەملەكەت قورعانىس مينيسترلىگى 4-ايدىڭ 15-كۇنى سوعىس جاعدايىن حابارلاپ ەرەكشە اسكەري ارەكەت جۇرگىزىلىپ جاتقان وڭىردە تۇڭعىش رەت انگىليادا جاسالعان L119 تۇرپاتتى زەڭبىرەكتى كۇيرەتكەندىكتەرىن ايتتى.
ۋكراينا حاركوۆ وبلىسىنىڭ اسكەري-اكىمشىلىك ىستەرىنىڭ جاۋاپتىسى 4-ايدىڭ 15-كۇنى بىلاي دەدى: رەسەي ارمياسى سول كۇنى تۇستەن كەيىن باسقارىلمالى اۋە بومبىسى ارقىلى وبلىسىمىزعا شابۋىل جاساپ، بۇدان 2 ادام قازا بولىپ، 4 ادام جارالاندى.
ۋكراينا ەنەرگيا مينيسترلىگى سول كۇنى: ناجاعايلى بوران سياقتى ناشار اۋا رايى سەبەبىنەن ۋكراينانىڭ حەمەلينسكي وبلىسى مەن جيتومير وبلىسىنداعى 36 وتىرىقتاندىرۋ تۇيىنىندە توك توقتاعاندىعىن ايتتى.
ۋكراينانىڭ زۇڭتۇڭى زەلەنسكي 4-ايدىڭ 15-كۇنى: ۋكراينانىڭ انگليا، گەرمانيا، فرانسيا قاتارلى 9 ەلمەن ەكى جاقتى حاۋىپسىزدىك كەلىسىمىنە قول قويعاندىعىن جاريالادى.
نورۆەگيانىڭ سىرتقى ىستەر ءۋازىرى 4-ايدىڭ 15-كۇنى ۋكراينانىڭ سىرتقى ىستەر مينيسترىمەن بىرگە كيەۆتە وتكىزىلگەن بىرلەسكەن اقپارات جاريالاۋ ماجىلىسىندە نورۆەگيانىڭ ۋكرايناعا F-16 تۇرپاتتى سوعىس ۇشاعىن تاپسىرىپ بەرەتىندىگىن ايتتى. وسىدان بۇرىن ۋكراينا ارمياسى: ۋكراينا ۇشقىشتارىنىڭ F-16 تۇرپاتتى سوعىس ۇشاعىن ۇشىرۋ جاتتىعۋى ەڭ سوڭعى كەزەڭگە وتكەندىگىن ايتقان بولاتىن.
اۋدارعان: نازار ءارىپ ۇلى