ءوز حابارىمىز. جەرگىلىكتى ۋاقىت 4-ايدىڭ 20-كۇنى يزرايل ارمياسى گازاداعى كوپتەگەن رايونعا شابۋىل جاسادى. سول كۇنى يزرايل ارمياسى گازا رايونىنىڭ سولتۇستىگىندەگى جەباليە بوسقىندار لاگەرىندەگى فالۋجا رايونىن بومبىلاپ، 6 ادام ءولىپ، كوپ ادام جارالاندى. يزرايل ارمياسى تاعى گازا ءوڭىرىنىڭ ورتا بولەگىندەگى نۋسايرايت بوسقىندار لاگەرىنىڭ سولتۇستىك رايونىن بومبىلاپ، 3 ادامدى ءولتىرىپ، 30 داي ادامدى جارالادى.

 

 يزرايل ارمياسى تاياۋدان بەرى يوردان وزەنىنىڭ باتىس جاعالاۋىنداعى تولكەرىمنىڭ شىعىسىنداعى نۇرشامس بوسقىندار لاگەرىنە ۇزدىكسىز شابۋىل جاسادى. پالەستين مەديالارىنىڭ حابارىنا قاراعاندا، 4-ايدىڭ 20-كۇنى كەشكە دەيىن، يزرايل ارمياسىنىڭ نۇرشامس بوسقىندار لاگەرىنە شابۋىلداۋ ارەكەتىندە 14 ادام قازا بولعان.

 

 ا ق ش قاۋىم پالاتاسى 4-ايدىڭ 20-كۇنى 95 ميلليارد امەريكا دوللارىندىق سىرتقا كومەك بەرۋ زاڭ جوباسىن داۋىسقا سالىپ ماقۇلدادى. زاڭ جوبادا يزرايلعا 26 ميلليارد امەريكا دوللارىندىق كومەك بەرۋ قامتىلعان.

 

 پالەستين زۇڭتۇڭنىڭ مالىمدەمەشىسى مالىمدەمە جاريالاپ بىلاي دەدى: ا ق ش-نىڭ يزرايلعا قاراتقان بۇل اسكەري كومەك جوسپارى قىرۋار پالەستيندىكتەردىڭ ءولىم-جىتىمىن تۋدىرىپ، وڭىرلىك جاعدايدى ونان ارى ۋشىقتىرادى، بۇل پالەستين حالقىنا جاسالعان سۇعاناقتىق، يزرايلدىڭ قاقتىعىس كولەمىن تۇتاس رايونعا دەيىن كەڭەيتۋىنە جول اشادى، پالەستين ا ق ش-نىڭ ورتا شىعىس رايونىنىڭ حاۋىپسىزدىگى مەن ورنىقتىلىعىن جۇزەگە اسىرۋ جاعىنداعى سەنىمدىلىگىنەن كۇماندانادى.

 

 پالەستيننىڭ زۇڭتۇڭى ابباس بىلاي دەدى: ا ق ش ب م ۇ حاۋىپسىزدىك القالار كەڭەسىندە پالەستيننىڭ ب م ۇ-نىڭ رەسمي مۇشە ەلى بولۋىن ءوتىنىش ەتۋ جونىندەگى قاۋلى جوباسىن تەرىسكە شىعاردى، بۇل پالەستين حالقىنىڭ ۇقىعىنا اشىقتان-اشىق قول سۇققاندىق ءارى حالىقارالىق قوعامنىڭ تىلەگىنە سايىس جاريالاعاندىق. پالەستين ۇلتتىق بيلىك قۇرىلىمى پالەستين حالقىنىڭ ۇقىعى مەن پالەستين ىستەرىن قورعاۋ ءۇشىن ا ق ش-مەن بولعان قاتىناسىن قايتادان ويلاستىرادى. ابباس بىلاي دەدى: ا ق ش وڭىرلىك جاعدايدىڭ ۋشىعۋىنداعى باستى جاۋاپكەر، ەگەر پالەستين ماسەلەسى شەشىلمەسە، ورتا شىعىس رايونى ورنىقتى بولمايدى. 

 

اۋدارعان: گۇلنۇر قابىلقاق قىزى