ۋكراينا رەسەيدىڭ ەنەرگيا قۇرىلعىلارىنا شابۋىل جاسادى، رەسەي ۋكراينانىڭ 50 ۇشقىشسىز ۇشاعىن تالقاندادىق جانە توستىق دەدى
来源:جۇڭگو قازاق راديو تورابى |责编:巴特勒| 发布日期: 2024-04-21 10:47
ءوز حابارىمىز. ۋكراينا قورعانىس مينيسترلىگىنىڭ اقپارات باس مەكەمەسى مەن ۋكراينا مەملەكەت حاۋىپسىزدىگى مەكەمەسى 4-ايدىڭ 20-كۇنى بىلاي دەدى: سول كۇنى تۇندە ۋكراينا نەشە ونداعان ۇشقىشسىز ۇشاقپەن رەسەي شەكاراسى ىشىندەگى بەرگورود وبلىسى، بريانسكي وبلىسى، كۋرسكي وبلىسى، موسكۆا وبلىسى سياقتى 8 وبلىسقا اۋە شابۋىلىن قوزعادى. وسى رەتكى شابۋىلدىڭ نىساناسى رەسەي شەكاراسى ىشىندەگى ەنەرگيا نەگىزدىك قۇرىلعىلارى بولدى، 3 ەلەكتر پۋنكتى مەن ءبىر ەنەرگيا ساقتاۋ قۇرىلعىسى شابۋىلعا ۇشىراعاننان كەيىن ءورت كەتتى.
رەسەي قورعانىس مينيسترلىگى سول كۇنى بىلاي دەدى: رەسەي ۋكراينانىڭ ۇشقىشسىز ۇشاعىنىڭ رەسەي شەكاراسى ىشىندەگى كوپتەگەن قۇرىلعىلارعا شابۋىل جاساۋ ماقساتىن توستى، رەسەيدىڭ اۋە شابۋىلىنان قورعانۋ جۇيەسى 50 ۇشقىشسىز ۇشاقتى تالقاندادى جانە توستى.
ۋكراينانىڭ جەر-جەرىندەگى اسكەري اكىمشىلىك تاراۋلار جاريالاعان حابارعا قاراعاندا، 4-ايدىڭ 20-كۇنى تۇندە رەسەي ارمياسى وق جولىندىق باسقارىلمالى بومبىمەن زاپوروجە وبلىسىنىڭ ونەركاسىپ نەگىزدىك قۇرىلعىلارىنا جانە ودەسساداعى نەگىزدىك قۇرىلعىلارعا شابۋىل جاساعان. بۇدان سىرت، حەرسون وبلىسى مەن حاركوۆ وبلىسىندا كۇشتى قوپارىلىس تۋىلدى.
اۋدارعان: گۇلنۇر قابىلقاق قىزى