يزرايل مەملەكەت قورعانىس ارمياسى 4-ايدىڭ 26-كۇنى گازانىڭ كوپتەگەن جەرلەرىن جالعاستى اسكەري سوققىلادى. يزرايل مەملەكەت قورعانىس ارمياسىنىڭ سوعىس ايروپلاندارى سول كۇنى گازا ءوڭىرىنىڭ سولتۇستىگىندەگى گازا قالاسىنداعى ريمار الەۋمەتتىك ارايونىنداعى ءبىر ءۇيدى بومبىلاپ، 3 ادامدى ءولىپ، كوپتەگەن ادام جارالاندى. بۇدان تىس، يزرايل ارمياسىنىڭ سوعىس ايروپلانى گازا ءوڭىرىنىڭ ورتا بولەگىندەگى زاۆايدا قالاشىعىنداعى ءبىر ءۇيدى بومبىلاپ، ءبىر ادام ءولىپ، كوپتەگەن ادام جارالاندى. گازا ءوڭىرىنىڭ ورتا بولەگىندەگى نۋسىرات قالاسىنداعى بوسقىندار لاگەرىنىڭ باتىسىنداعى رايوندار شابۋىلعا ۇشىراپ، كوپتەگەن ادام جارالاندى.

 

گازا وڭىرىندەگى دەنساۋلىق ساقتاۋ تاراۋلارى 4-ايدىڭ 26-كۇنى بىلاي دەپ مالىمدەمە جاريالادى: وتكەن 24 ساعاتتا يزرايل ارمياسى گازا وڭىرىندە 5 ءتۇرلى اسكەري ارەكەت ورىستەتىپ، 51 ادام ءولىپ، 75 ادام جارالاندى.

 

يزرايل ءمانساپتىلارى مەن ەگيپەتتىڭ جوعارى دارەجەلى ۋاكىلدەر ۇيىرمەسى تراۆيفتا وتكىزگەن سۇحبات سول كۇنى جەرلىك ۋاقىت 4-ايدىڭ 26-كۇنى تۇستەن كەيىن اقىرلاستى، سۇحباتتىڭ مازمۇنى يزرايل جانە پالەستين ءىسىلام قارسىلىق قوزعالىسى حاماستىڭ بارىمتالانعان ادامداردى اۋىسىتىپ بوساتۋ كەلىسىمى، سوناي-اق، يزرايلدىڭ رافا قالاسىندا قوزعاعان شابۋىلىنا قاتىستى مازۇنداردا بولدى. يزرايلدىڭ ءبىر جوعارى دارەجەلى ءمانساپتىسى بىلاي دەدى: بەلسەندى جاعدايداعى كەڭەستە ءار جاقتا ىلگەرىلەۋشىلىككە قول جەتتى.بۇل ءمانساپتى بۇدان تىس تاعى دا  يزرايل « رافاعا ىشكەرىلەي كىرمەكشى»، يزرايل جاق حاماستىڭ يزرايل ارمياسىنىڭ ارەكەتىن ۇزاققا سوزۋ ماقساتىندا العا قويعان بارىمتالاردى اۋىستىرىپ بوساتۋ تالابىنا قوسىلمايدي ءارى ااسكەر قابىلداۋدى كەڭەيتۋدە دەگەندى ايتتى.

 

جەرلىك ۋاقىت 4-ايدىڭ 26-كۇنى كەشتە، راكەتالار ليۆاننىڭ وڭتۇستىگىنەن يزرايل باسىپ العان گولان ۇستىرتىنە قاراي اتىلدى. وقيعا جۇز بەرگەندە سول جەردىڭ اۋە قورعانىس سەگىنالى بەرىلمەدى، بارلىق راكاتا گولان ءۇستىرتىنىڭ يەن جازىقتارىنا تۇسكەندىكتەن ءولىم-جىتىم بولمادى. 

 

اۋدارعان: قاناتبەك جۇماباي ۇلى