ءوز حابارىمىز. بيىل كوكتەمدە جەر جەر ەگىس ۋاقىتىن مىقتى يگەرىپ، جەرگىلىكتى جاعدايعا قاراي ەرەكشە ەگىمشىلىكتى دامىتىپ، شارۋالاردىڭ كىرىسىن ارتتىرۋ ارناسىن كەڭەيتىپ، اۋىل قىستاقتى كوركەيتۋگە جاڭا قوزعاۋشى كۇش قوستى.

 

سوڭعى كۇندەرى گانسۋ ولكەسى لۇڭنان قالاسى حۇيشيان اۋدانى گاۋچياۋ قالاشىعى ۋاڭۋان قىستاعىنىڭ اتىز باسىندا ديقاندار ماي قاراعايدىڭ كوكتەمگى ەگىس قىزمەتىمەن قاربالاس بولۋدا.

 

لۇڭنان قالاسى حۇيشيان اۋدانى وڭتۇستىك پەن سولتۇستىك كليماتىنىڭ وتپەلى وڭىرىنە ورنالاسقان، ءىشىنارا وڭىرلەردىڭ تەڭىز دەڭگەيىنەن بيىكتىگى جوعارى. سوڭعى جىلداردان بەرى، جەرگىلىكتى ورىن استىق ەگۋگە ۇيلەسپەيتىن جەرلەردە قالامشا كاسىبىن دامىتۋدى جوسپارلادى، قازىر بالقاراعاي، ماي قاراعاي سياقتى قالامشا تۇرلەرى ورنىقتى جەتىلدىرىلىپ، نەگىزىنەن بەيجيڭ، حىبەي، شانشي سياقتى جەرلەرگە ساتىلدى. بيىل مەجەمەن 60 ميلليون ءتۇپ قالامشا ساتىلىپ، ساتىلۋ سوماسى 400 ميلليون يۋان اينالاسىندا بولادى.

 

حىنان ولكەسى شينياڭ قالاسى حۋايبين اۋدانى جۇڭگوشا ءدارى ماتەريالدارى مىسىق تۇياقتى ءشوپتىڭ نەگىزگى وندىرىلەتىن جەرىنىڭ ءبىرى. قازىر حۋايبين اۋدانى ماۋجۋاڭ الەۋمەتتىك اۋماعىندا قىستاق تۇرعىندارى مىسىق تۇياقتى ءشوپتى سۋارۋمەن، تىڭايتقىش بەرۋمەن قاربالاس جۇمىس جۇرگىزۋدە. مىسىق تۇياقتى ءشوپتىڭ ءتىپتى دە جاقسى وسۋىنە مۇمكىندىك جاساۋ ءۇشىن، اۋىل شارۋاشىلىق تەحنيكا ماماندارى  اتىز باسىندا ساباق ءوتىپ، بۇقارانىڭ جۇيەلى ەگىس ەگۋىنە، ەگجەي تەگجەيلى باسقارۋىنا جەتەكشىلىك ەتتى.

 

جياڭشي ولكەسى فۋجوۋ قالاسى لى-ان اۋدانى دايفاڭ قالاشىعى گۋجۋ قىستاعىندا قىستاق تۇرعىندارى مايلى شاي مايساسىن ەگۋدە. مايلى شاي بازاسىنىڭ جاۋاپتىسى جوۋ بيۋىن بىلاي دەدى: وسى 600 مۋ جەردەگى مايلى شاي 3 جىلىندا جەمىس بەرەدى، ءار مۋىنان 100 كيلوگرام ءونىم الۋعا بولادى.

 

سوڭعى جىلدارى جەرگىلىكتى ورىن قاعىر تاۋلاردى اشۋ، قاراعاي ورمانىن جاڭالاۋ سياقتى تاسىلدەر ارقىلى مايلى شاي كاسىبىن كۇش سالا دامىتىپ، ساپالى تۇقىم جەتىلدىرۋ، ەگۋ، مانەرلەۋ، ساتۋ سياقتىلار ءبىر تۇلعالانعان مايلى شاي تۇتاس كاسىپ تىزبەگىن قالىپتاستىرىپ، اۋىل قىستاقتىڭ گۇلدەنۋىنە دەم بەردى. 

 

لى ان اۋدانى دايفاڭ قالاشىعى پارتكومىنىڭ مۇشەسى لي جياڭۋي بىلاي دەدى: بيىل تۇتاس قالاشىقتا 4000 مۋدان استام جوعارى ءونىمدى مايلى شاي تىڭنان قوسىلىپ، جالپى جەر اۋدانى 30 مىڭ مۋدان اسىپ، ەكولوگيالىق ورتا مەن كاسىپ سالاسىنىڭ دامۋىنىڭ تاماشا اينالىمىن جۇزەگە اسىردى.

 

اۋدارعان: شالقار قازەز ۇلى