ءوز حابارىمىز. مەملەكەتتىك ساناق مەكەمەسى 3-ايدىڭ 27-كۇنى جاريالاعان ساندى مالىمەتتە كورسەتىلۋىنشە، ماكرولىق ساياساتتاردىڭ تياناقتانىپ، ءونىم بەرۋىنە بايلانىستى، بازار سۇرانىمى ۇزدىكسىز قالپىنا كەلگەن. 1-ايدان 2-ايعا دەيىن بۇكىل ەلدەگى كولەمدەنگەن ونەركاسىپ كاسىپورىندارىنىڭ جالپى پايدا سوماسى 914 ميلليارد 60 ميلليون يۋان بولىپ، پايداسى وتكەن جىلدىڭ تۇتاس جىلىنداعىدان % 10.2 ارتقان؛ تيجارات كىرىسى 19 تريلليون 440 ميلليارد يۋان بولىپ، وتكەن جىلدىڭ ۇقساس مەزگىلىندەگىدەن % 4.5 ارتىپ، وتكەن جىلدىڭ تۇتاس جىلداعى تيجارات كىرىسىنىڭ ارتۋ قارقىنىنان 3.4 پايىز جوعارى بولعان. تۇتىنۋ بۇيىمدارىن جاساۋ كاسىبىنىڭ پايداسى ۇزدىكسىز قالپىنا كەلىپ، جابدىق جاساۋ كاسىبىنىڭ، جوعارى تەحنيكالى جاساۋ كاسىبىنىڭ پايداسى كورنەكتى جوعارىلاپ، ونەركاسىپ كاسىپورىندارىنىڭ ونىمدىلىگى ورنىقتى بولعان.

 

اۋدارعان: شالقار قازەز ۇلى