مەملەكەتتىك كەڭەستىڭ اقپارات كەڭسەسى ساياساتتىق حابارلاندىرۋ ٴماجىلىسىن اشىپ، «سۋدى ۇنەمدەپ پايدالانۋ ەرەجەسىنە» قاتىستى جاعدايلاردى تانىستىردى
来源:جۇڭگو قازاق راديو تورابى |责编:巴特勒| 发布日期: 2024-03-29 15:37
ٴوز حابارىمىز. مەملەكەتتىك كەڭەستىڭ اقپارات كەڭسەسى 3-ايدىڭ 28-كۇنى ساياساتتىق حابارلاندىرۋ ٴماجىلىسىن اشىپ، سۋدى ۇنەمدەپ پايدالانۋ ەرەجەسىنە قاتىستى جاعدايلاردى تانىستىردى.
سۋ يگىلىگى مينيسترلىگىنىڭ ورىنباسار مينيسترى لي لياڭشىڭ بىلاي دەپ تانىستىردى: 2014-جىلداعىمەن سالىستىرعاندا، 2023-جىلى ەلىمىزدىڭ ىشكى ٴوندىرىس جالپى ٴونىم قۇنى 2 ەسەگە جۋىق ارتقان جاعدايدا، سۋدان پايدالانۋ جالپى مولشەرى جالپى جاقتان 610 ميلليارد تەكشە مەتر ىشىندە ورنىقتى بولدى. لي لياڭشىڭ بىلاي دەدى: 2023-جىلى 10 مىڭ يۋاندىق ىشكى ٴوندىرىستىڭ جالپى ٴونىم قۇنىنا پايدالانىلاتىن سۋ مولشەرى، 10 مىڭ يۋاندىق ونەركاسىپتىڭ ارتقان قۇنىنا پايدالانىلاتىن سۋ مولشەرى جەكە-جەكە 41.7 %، 55.1 %تومەندەپ، ەگىس اتىزدارىن سۋاراتىن سۋدان ٴونىمدى پايدالانۋ كوەففيتسەنتى 0.530 دان 0.576 عا جوعارىلاپ، سۋدان پايدالانۋ ونىمدىلىگى ۇزدىكسىز ارتىپ، تۇتاس قوعامنىڭ سۋ ۇنەمدەۋ تانىمى ۇزدىكسىز كۇشەيدى.
«سۋدى ۇنەمدەپ پايدالانۋ ەرەجەسى» جيىنى 6 تاراۋ، 52 تارماقتان قۇرالعان، ول سۋدان پايدالانۋدى باسقارۋدى كۇشەيتۋ، سۋ ۇنەمدەۋ شارالارىن كەمەلدەندىرۋ، قامتاماسىزداندىرۋ مەن باقىلاۋدى كۇشەيتۋ سياقتى كوپ جاقتى مازمۇنداردى قامتيدى. «ەرەجە» بيىل 5-ايدىڭ 1-كۇنىنەن باستاپ اتقارىلادى، ۇكىمەت جەتەكشىلىك ەتەتىن، ٴار جاق سەلبەسەتىن، بازار سايكەسەتىن، بۇقارا ات سالىساتىن سۋ ۇنەمدەۋ مەحانيزمى ورناتىلادى.
اۋدارعان: شالقار قازەز ۇلى