ءوز حابارىمىز. بيىل جىل باسىنان بەرى، چىڭدۋ-چۇڭچيڭ رايونىنىڭ قوس قالا ەكونوميكالىق شەڭبەرىندەگى كەلەلى نىساندار ورنىقتى ىلگەرىلەتىلدى. سىچۋان-چۇڭچيڭ 1000 كيلوۆولتتىق ەرەكشە جوعارى كەرنەۋلى ەلەكتر ينجەنەرياسىنىڭ چۇڭچيڭ بولەگى تۇتاس لەنيا بويىنشا تۇتاستىرىلدى، سىچۋان-چۇڭچيڭ گاۋجۋ جاڭا رايونىنىڭ وڭتۇستىك-سولتۇستىك داڭعىلىنىڭ 3-مەرزىمدىك جەلىسىندە رەسمي كولىك قاتىنادى، چىڭدۋ شۋاڭليۋ حالىقارالىق اۋەجايىنىڭ ساپاسىن جوعارىلاتۋ، جاڭالاۋ ينجەنەرياسىندا باتىس سىرعىما جولى سالىنىپ بولىپ، ىسكە قوسىلدى.ءبىرىنشى توقسانعا دەيىن چىڭدۋ-چۇڭچيڭ قوس قالا شەڭبەرىن دامىتۋداعى 300 كەلەلى نىسانعا جىلدىق قوسىلعان قارجى 110 ميلليارد 870 ميلليون يۋان بولىپ، جىلدىق قوسىلعان قارجىنىڭ ورىندالۋ مولشەرى 25.4 %كە جەتىپ، ءساتتى باستالدى. وسى كەلەلى نىساندار نەگىزدىك قۇرىلعى، عىلىم-تەحنيكادا جاڭالىق اشۋ، ەكولوگيالىق ورتانى قورعاۋ، الەۋمەتتىك قىزمەت وتەۋ سياقتى 7 ءتۇيىندى سالانى قامتىپ، چىڭدۋ-چۇڭچيڭ ءوڭىرىنىڭ قاتىناستى اناعۇرلىم ىركىلىسسىزدەندىرۋىنە، كاسىپ تىزبەگىن كۇشەيتۋىنە، تۇرمىس شەڭبەرىن ساپالاندىرۋىنا دەم بەرەدى. 

 

اۋدارعان: شالقار قازەز ۇلى