ءوز حابارىمىز. شىنجوۋ 18-ءنومىرلى ادام الىپ ۇشاتىن الەم كەمەسى 4-ايدىڭ 25-كۇنى كەشكى ساعات 8 دەن 59 مينۋت وتكەندە ۇشىرىلادى، عارىشكەرلەر گرۋپپاسىنداعى يە گۋاڭفۋ، لي سۇڭ، لي گۋاڭسۋلار كوپشىلىكپەن كوللەكتيۆ جۇزدەستى. وسى رەتكى ۇشىرۋ مىندەتىن اتقاراتىن ۇزاق جورىق 2-ءنومىرلى F-تۇرپاتتى الىستان مەڭگەرىلەتىن 18-تاسىمال راكەتاسى جوسپار بويىنشا دايىن بولدى، قازىر جيۋچۋان جاساندى سەرىك ۇشىرۋ ورتالىعىنىڭ عارىشقا ادام الىپ ۇشۋ الاڭىندا بارلىق دايىندىق قىزمەتتەر ىستەلىپ بولدى.

 

بۇل رەتكى مىندەت كەڭىستىك بەكەتىن پايدالانۋ جانە دامىتۋ ساتىسىنداعى 3-رەتكى ادام الىپ ۇشۋ مىندەتى، سونداي-اق عارىشقا ادام الىپ ۇشۋ ينجەنەرياسىنىڭ 32-رەتكى ۇشۋ مىندەتى. جۇڭگو عارىشقا ادام الىپ ۇشۋ ينجەنەرياسى كەڭسەسىنىڭ ورىنباسار مەڭگەرۋشىسى، جۇڭگو عارىشقا ادام الىپ ۇشۋ ينجەنەرياسىنىڭ اقپارات مالىمدەمەشىسى لين شيچياڭ بىلاي دەپ تانىستىردى: شىنجوۋ 18-ءنومىرلى عارىشكەرلەر گرۋپپاسى كەڭستىكتە ايالداعان كەزدە، كەڭىستىك بەكەتى مەن قولدانىلمالى جۇكتەردى جوسپار بويىنشا باسقارۋعا الادى جانە كۇتىمدەيدى، كەڭىستىك بەكەتىن قورعاۋ، جوندەۋ جانە جاعدايعا قاراي شارلاۋ جۇرگىزىپ، كەڭىستىك بەكەتىنىڭ حاۋىپسىز، سەنىمدى، جوعارى ءونىمدى اينالىمىن قامتاماسىزداندىرادى. عارىشكەلەر گرۋپپاسىنداعىلار كابينا ىشىندەگى عىلمي تاجىريبە ىشكاپتارى مەن كابينا سىرتىنىڭ كوتەرىمدىلىگىنەن پايدالانىپ، ميكرو اۋىرلىق كۇش نەگىزدىك فيزيكاسى، كەڭىستىك ماتەريال عىلىمى، كەڭىستىك تىرشىلىك عىلىمى، عارىش مەديتسيناسى، عارىش تەحنيكاسى سياقتى سالالاردا 90 نەشە ءتۇرلى تاجيربە ورىستەتەدى.

 

لين شيچياڭ بىلاي دەپ تانىستىردى: جوسپار بويىنشا، شىنجوۋ 18-ءنومىرلى ادام الىپ ۇشاتىن الەم كەمەسى وربيتاعا كىرگەننەن كەيىن، دەربەس، تەز ءتۇيىلىسۋ ۇلگىسىن قولدانىپ، شامامەن 6.5 ساعاتتان كەيىن تيانحى وزەكتى بولمەسىمەن جالعانىپ، 3 الەم كەمەسى، 3 بولمە قۇراما تۇلعاسى قالىپتاسادى. وربيتادا تۇرعان كەزىندە شىنجوۋ 18-ءنومىرلى الەم كەمەسىنىڭ عارىشكەرلەر گرۋپپاسى تيانجوۋ 8-ءنومىرلى جۇك تاسىمال الەم كەمەسى مەن شىنجوۋ 19-ءنومىرلى ادام الىپ ۇشاتىن الەم كەمەسىن قارسى الادى، جوسپار بويىنشا بيىل 10-ايدىڭ سوڭىندا دۇڭفىڭ قونۋ الاڭىنا كەلىپ قونادى.

 

اۋدارعان: نازا ءارىپ ۇلى