ٴوز حابارىمىز. ورتالىق اسكەري ىستەر كوميتەتىنىڭ شاڭجياڭ اسكەري شەنىن بەرۋ سالتى 3-ايدىڭ 28-كۇنى بەيجيڭدەگى 1-تامىز عيماراتىندا وتكىزىلدى. ورتالىق اسكەري ىستەر كوميتەتىنىڭ ٴتوراعاسى شي جينپيڭ شەن بەرۋ سالتىنا قاتىناستى.

 تۇستەن كەيىن ساعات 5 مولشەرىندە شەن بەرۋ سالتى ايبىندى مەملەكەت انىمەن باستالدى. ورتالىق اسكەري ىستەر كوميتەتى ٴتوراعاسىنىڭ ورىنباسارى جاڭ يوۋشيا ورتالىق اسكەري ىستەر كوميتەتىنىڭ ٴتوراعاسى شي جينپيڭ قول قويعان شاڭجياڭ اسكەري شەنىن بەرۋ بۇيرىعىن وقىدى. ورتالىق اسكەري ىستەر كوميتەتى ٴتوراعاسىنىڭ ورىنباسارى حى ۋيدۇڭ شەن بەرۋ سالتىن باسقاردى.

 

 وسى رەت شاڭجياڭ اسكەري شەنى بەرىلگەن جۇنگۋاندار: ورتالىق اسكەري ىستەر كوميتەتى ساياسي-زاڭ كوميتەتىنىڭ شۋجيى ۋاڭ رىنحۋا، مەملەكەت قورعانىس داشۋەسىنىڭ باستىعى شياۋ تيانلياڭ.

 

 شاڭجياڭ اسكەري شەنى بەرىلگەن 2 جۇنگۋان كوتەرىڭكى رۋحپەن ٴتوراعالار مىنبەسىنىڭ الدىنا كەلدى. شي جينپيڭ ولارعا بۇيرىق كۋالىگىن تاراتىپ، قۇتتى بولسىن ايتتى. شاڭجياڭ اسكەري شەنىنىڭ يىق بەلگىسىن تاققان 2 جۇنگۋان شي جينپيڭگە قۇرمەت ٴبىلدىردى، سالتقا قاتىناسقان بارلىق جولداستارعا قۇرمەت ٴبىلدىردى، بۇكىل زالدان شاتىرلاعان شاپالاق ٴۇنى كوتەرىلدى.

 

 شەن بەرۋ سالتى اسقاق ارميا انىمەن اياقتادى. وسىدان كەيىن شي جينپيڭ قاتارلى باسشى جولداستار شاڭجياڭ اسكەري شەنى بەرىلگەن جۇنگۋاندارمەن بىرگە سۋرەتكە ٴتۇستى.

 

 ورتالىق اسكەري ىستەر كوميتەتىنىڭ مۇشەلەرى ليۋ جىنلي، مياۋ حۋا، جاڭ شىڭمين، اسكەري ىستەر كوميتەتى ورگانىنىڭ ٴارقايسى تاراۋلارىنداعى، ارميانىڭ بەيجيڭدە تۇراتىن قاتىستى ورىندارىنداعى نەگىزگى جاۋاپتى جولداستار شەن بەرۋ سالتىنا قاتىناستى. 

 

اۋدارعان: گۇلنۇر قابىلقاق قىزى